ഇന്ത്യൻ ആർമി സ്പോർട്സ് ക്വാട്ടയിലേക്ക് റിക്രൂട്ട്മെന്റ് നടത്തുന്നു. ഹവിൽദാർ, നായിബ് സുബേദാർ (സ്പോർട്സ്) തസ്തികകളിൽ നേരിട്ടുള്ള പ്രവേശനത്തിനായി അപേക്ഷ ക്ഷണിച്ചു. അവിവാഹിതരായ പുരുഷ-വനിതാ ഉദ്യോഗാർത്ഥികൾക്ക് അപേക്ഷ നൽകാം. എത്ര ഒഴിവുകൾ ഉണ്ടെന്ന് വ്യക്തമാക്കിയിട്ടില്ല. അപേക്ഷകൾ സമർപ്പിക്കാനുള്ള അവസാന തീയതി 2025 ഡിസംബർ 15.

കായിക ഇനങ്ങൾ

അത്‌ലറ്റിക്‌സ്
100 മീറ്റർ, 200 മീറ്റർ, ഹർഡിൽസ്, ജമ്പ്‌സ്,ത്രോസ് , റേസ് വാക്ക്, ഡെക്കാത്‌ലൺ

ടീം സ്പോർട്ട്സ്
ബാസ്ക്കറ്റ്ബോൾ, ഫുട്ബോൾ, ഹോക്കി, ഹാൻഡ്‌ബോൾ, വോളിബോൾ, കബഡി

കോമ്പാറ്റ് സ്പോർട്ട്സ്
ബോക്സിങ്, ഫെൻസിങ് , ജുഡോ, കരാട്ടെ, തായ്ക്വാണ്ടോ, റെസ്‌ലിങ്, വുഷു

വാട്ടർ സ്പോർട്ട്സ്
സ്വിമ്മിംഗ്, ഡൈവിങ്, കായാക്കിങ് & കാനോയിങ്, സെയിലിങ്

മറ്റു സ്പോർട്ട്സ്
ആർച്ചറി, ജിംനാസ്റ്റിക്‌സ് (ആർട്ടിസ്റ്റിക്), ഷൂട്ടിംഗ്, വെയിറ്റ് ലിഫ്റ്റിംഗ്

വിദ്യാഭ്യാസ യോഗ്യത

എല്ലാ ഉദ്യോഗാർത്ഥികളും അംഗീകൃത വിദ്യാഭ്യാസ ബോർഡിൽ നിന്ന് പത്താം ക്ലാസ് പാസായിരിക്കണം.

പ്രായപരിധി

പ്രായം: അപേക്ഷകർക്ക് 17.5 നും 25 നും ഇടയിൽ

ഡയറക്ട് എൻട്രി ഹവിൽദാർ

• വ്യക്തിഗത ഇവന്റ്: ദേശീയ ചാമ്പ്യൻഷിപ്പിൽ ഒരു സംസ്ഥാനത്തെ പ്രതിനിധീകരിച്ച് (ജൂനിയർ/സീനിയർ) മെഡൽ നേടിയിരിക്കണം. അല്ലെങ്കിൽ ഒരു അന്താരാഷ്ട്ര തലത്തിൽ ഇന്ത്യയെ പ്രതിനിധീകരിക്കണം.

• ടീം ഇവന്റ്: ദേശീയ അല്ലെങ്കിൽ അന്തർദേശീയ മത്സരങ്ങളിൽ (ജൂനിയർ/സീനിയർ ലെവൽ) ഒരു സംസ്ഥാനത്തെയോ രാജ്യത്തെയോ പ്രതിനിധീകരിച്ചിരിക്കണം.

• ഖേലോ ഇന്ത്യ: ഖേലോ ഇന്ത്യ ഗെയിംസ്, ഖേലോ ഇന്ത്യ യൂത്ത് ഗെയിംസ്, അല്ലെങ്കിൽ ഖേലോ ഇന്ത്യ യൂണിവേഴ്സിറ്റി ഗെയിംസ് എന്നിവയിൽ മെഡൽ ജേതാവായിരിക്കണം.

ഡയറക്ട് എൻട്രി നായിബ് സുബേദാർ

• ലോക ചാമ്പ്യൻഷിപ്പിലോ ഏഷ്യൻ ചാമ്പ്യൻഷിപ്പിലോ ഏതെങ്കിലും മെഡൽ നേടിയിരിക്കണം

• ഏഷ്യൻ ഗെയിംസ് അല്ലെങ്കിൽ കോമൺ‌വെൽത്ത് ഗെയിംസ് (CWG) / ലോകകപ്പ് എന്നിവയിൽ ഏതെങ്കിലും മെഡൽ നേടിയിരിക്കണം

• ഏഷ്യൻ ഗെയിംസ് / CWG / ലോകകപ്പ് എന്നിവയിൽ രണ്ടുതവണ ഇന്ത്യയെ പ്രതിനിധീകരിച്ചവർ

• ഒളിമ്പിക്സിൽ ഇന്ത്യയെ പ്രതിനിധീകരിച്ചവർ

കായിക നേട്ടത്തിന്റെ അടിസ്ഥാനത്തിൽ അപേക്ഷകരെ ഷോർട്ട് ലിസ്റ്റ് ചെയ്യും. തുടർന്ന് സെക്ഷൻ ട്രയൽസ് നടത്തി ഒരു പട്ടിക തയ്യാറാക്കും. മെഡിക്കൽ പരിശോധന കൂടി പൂർത്തിയാക്കിയ ശേഷം അന്തിമ ലിസ്റ്റ് പുറത്തിറക്കും. കൂടുതൽ വിവരങ്ങൾക്ക് https://www.joinindianarmy.nic.in സന്ദർശിക്കുക.

Job alert: Indian Army Sports Quota Recruitment 2025: Apply for Havildar & Naib Subedar by 15th December