തിരുവനന്തപുരം: ഇന്ത്യൻ സ്പേസ് റിസർച്ച് ഓർഗനൈസേഷന് (ISRO) കീഴിലുള്ള വിക്രം സാരാഭായി സ്പേസ് സെന്റർ (VSSC) കരാർ അടിസ്ഥാനത്തിലുള്ള മെഡിക്കൽ നിയമനങ്ങൾക്ക് അപേക്ഷ ക്ഷണിച്ചു. ഇത് സംബന്ധിച്ച വിജ്ഞാപനം അധികൃതർ പുറത്തിറക്കി. എറണാകുളം എടപ്പള്ളിയിൽ മെഡിക്കൽ ഓഫീസർ തസ്തികയിലും

തിരുവനന്തപുരം കരമന, തളിയൽ, ബാലരാമപുരം, പേരൂർക്കട, നാലാഞ്ചിറ എന്നി സ്ഥലങ്ങളിലേക്ക് ഡെന്റൽ സർജൻ മാരുടെയും ഒഴിവുകളും പ്രഖ്യാപിച്ചിട്ടുണ്ട്.

മെഡിക്കൽ ഓഫിസർ

എം ബി ബി സ് പൂർത്തിയാക്കിയിരിക്കണം. മെഡിക്കൽ കൗൺസിൽ രജിസ്ട്രേഷൻ നിർബന്ധമാണ്. രണ്ട് വർഷത്തെ പ്രവൃത്തി പരിചയം ആവശ്യമാണ്. അപേക്ഷകർക്ക് എടപ്പള്ളിയിൽ ആവശ്യമായ സൗകര്യങ്ങളുള്ള ഒരു കൺസൾട്ടേഷൻ റൂം ഉണ്ടായിരിക്കണം. പ്രതിമാസ പ്രതിഫലം പദവിനനുസരിച്ച് വ്യത്യാസപ്പെടും. മെഡിക്കൽ ഓഫീസർക്ക് 12,000 മുതൽ 36,000 വരെ ലഭിക്കാം.

ഡെന്റൽ സർജൻ

ബി ഡി എസ് യോഗ്യതയും കുറഞ്ഞത് രണ്ട് വർഷത്തെ പ്രവൃത്തി പരിചയവും ആവശ്യമാണ്. ദന്തചികിത്സകരുടെ പ്രതിഫലം സി എച്ച് എസ് എസ് മാനദണ്ഡങ്ങൾ പ്രകാരം ആയിരിക്കും. തിരുവനന്തപുരം ജില്ലയിലെ കരമന, തളിയൽ, ബാലരാമപുരം, പേരൂർക്കട, നാലാഞ്ചിറ എന്നി സ്ഥലങ്ങളിൽ ആവശ്യമായ സൗകര്യങ്ങളുള്ള ഒരു കൺസൾട്ടേഷൻ റൂം ഉണ്ടായിരിക്കണം.

തുടക്കത്തിൽ കരാർ കാലയളവ് ആറ് മാസം ആയിരിക്കും. തുടർന്ന് പരസ്പര സമ്മതമനുസരിച്ച് കാലാവധി നീട്ടാം. സർട്ടിഫിക്കറ്റ് പരിശോധന,അഭിമുഖം,ക്ലിനിക് പരിശോധന തുടങ്ങിയ ഘട്ടങ്ങളിലൂടെയാണ് ഉദ്യോഗാർത്ഥികളെ തെരഞ്ഞെടുക്കുന്നത്.

അപേക്ഷ chsshelp@vssc.gov.in എന്ന ഇ-മെയിൽ വിലാസത്തിൽ സമർപ്പിക്കണം. തിരഞ്ഞെടുക്കപ്പെട്ട അപേക്ഷകരെ മാത്രമേ അഭിമുഖത്തിനും ഇൻസ്പെക്ഷനും വിളിക്കുകയുള്ളൂ. കൂടുതൽ വിവരങ്ങൾക്ക് https://www.vssc.gov.in/ സന്ദർശിക്കുക.