കേരള ഡെവലപ്‌മെന്റ് ആൻഡ് ഇന്നൊവേഷൻ സ്ട്രാറ്റജി കൗൺസി (കെ-ഡിസ്‌ക്) ലിൽ വ്യക്തിത്വ വികസന പ്രൊഫഷണലുകളെ ( പേഴ്സണാലിറ്റി ഡെവലപ്മെ​ന്റ് പ്രൊഫഷണൽ- പിഡിപി) നിയമിക്കുന്നു. സോഫ്റ്റ് സ്കിൽസ്/വ്യക്തിത്വ വികസന പരിശീലനം എന്നിവ നൽകുന്നതിനായാണ് ഇവരെ നിയമിക്കുന്നത്.

സാങ്കേതികവിദ്യയുടെ സാമൂഹിക രൂപീകരണം, സംസ്ഥാനത്ത് നൂതനാശയങ്ങൾ വളർത്തിയെടുക്കുന്നതിന് ആരോഗ്യകരവും അനുകൂലവുമായ ഒരു ആവാസവ്യവസ്ഥ സൃഷ്ടിക്കൽ എന്നിവയിൽ പുതിയ ദിശകൾ സൃഷ്ടിക്കുന്നതിനായി തന്ത്രപരമായ പദ്ധതികൾ അവതരിപ്പിക്കുക എന്നതാണ് കേരള സർക്കാർ രൂപീകരിച്ച കെ-ഡിസ്‌കിന്റെ ലക്ഷ്യം.

യോഗ്യത

ഏതെങ്കിലും വിഷയത്തിലുള്ള ബിരുദമാണണ് അപേക്ഷകർക്കുള്ള അടിസ്ഥാന യോഗ്യത.

സോഫ്റ്റ് സ്കിൽസ്/വ്യക്തിത്വ വികസന പരിശീലനം നൽകുന്നതിൽ കുറഞ്ഞത് രണ്ട് വർഷത്തെ പരിചയം ഉണ്ടാവണം.

ഒഴിവുകളുടെ എണ്ണം വിജ്ഞാപനത്തിൽ പ്രസിദ്ധപ്പെടുത്തിയിട്ടില്ല.

കെ-ഡിസ്‌ക്/സിഎംഡി എന്നിവയിൽ പേഴ്സണാലിറ്റി ഡെവലപ്മെ​ന്റ് ട്രെയിനർമാരായി ( പിഡിടി) എംപാനൽ ചെയ്തിട്ടുള്ള വ്യക്തികൾ വീണ്ടും അപേക്ഷിക്കേണ്ടതില്ല.

താൽപ്പര്യമുള്ള ഉദ്യോഗാർത്ഥികൾക്ക് ഓൺലൈനായി അപേക്ഷ സമർപ്പിക്കാം. മാനേജ്മെന്റ് ഡെവലപ്മെന്റ് സെന്റർ (സി എം ഡി ) വെബ്സൈറ്റിലെ നൽകിയിരിക്കുന്ന നിർദ്ദിഷ്ട വിജ്ഞാപനത്തിൽ അനുബന്ധം ഒന്നായി നൽകിയിരിക്കുന്ന അപേക്ഷാ ഫോം പൂരിപ്പിച്ച് സിവിയും യോഗ്യതയും പരിചയവും തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം വേണം അപേക്ഷിക്കാൻ.

അപേക്ഷിക്കേണ്ട അവസാന തീയതി : ഫെബ്രുവരി ഏഴ് വൈകുന്നേരം അഞ്ച് മണിവരെ

അപേക്ഷിക്കേണ്ട വിലാസം: K-DISCrecruitment2025.01@gmail.com എന്ന ഇ-മെയിൽ വിലാസത്തിൽ അയക്കണം

ഓൺലൈൻ അപേക്ഷാ ഫോം പൂരിപ്പിക്കുന്നതിൽ ഉദ്യോഗാർത്ഥികൾക്ക് എന്തെങ്കിലും പ്രശ്‌നങ്ങൾ നേരിടുന്നുണ്ടെങ്കിൽ, പ്രവൃത്തി ദിവസങ്ങളിൽ (തിങ്കൾ - വെള്ളി) രാവിലെ 10 നും വൈകുന്നേരം അഞ്ച് മണിക്കും ഇടയിൽ 0471 2320101, എക്സ്റ്റൻഷൻ: 237,250 എന്നീ ഫോൺ നമ്പറിൽ ഹെൽപ്പ് ഡെസ്കുമായി ബന്ധപ്പെടാവുന്നതാണ്.

വിശദവിവരങ്ങൾക്കും അപേക്ഷാ ഫോമിനും വിജ്ഞാപനം വായിക്കാൻ ഇവിടെ ക്ലിക്ക് ചെയ്യുക