കണ്ണൂർ സർവകലാശാലയുടെ വിവിധ പഠനവകുപ്പുകളിലെ സ്ഥിരം അദ്ധ്യാപക തസ്തികകളിലേക്ക് നിയമനം നടത്തുന്നു. പ്രൊഫസർ -02, അസോസിയേറ്റ് പ്രൊഫസർ - 11 ,അസിസ്റ്റൻറ് പ്രൊഫസർ -03 എന്നിങ്ങനെയാണ് ഒഴിവുകൾ റിപ്പോർട്ട് ചെയ്തിരിക്കുന്നത്. പ്രൊഫസർ തസ്തികയിൽ ഇംഗ്ലീഷ്,ആന്ത്രോപോളജി എന്നി വിഭാഗങ്ങളിൽ ഓരോ ഒഴിവുകളാണ് ഉള്ളത്.

അസോസിയേറ്റ് പ്രൊഫസർ തസ്തികയിൽ ബിഹേവിയറൽ സയൻസ്, ഹിസ്റ്ററി ജേർണലിസം ആൻഡ് മീഡിയ സ്റ്റഡീസ്, വുഡ് സയൻസ് ആൻഡ് ടെക്നോളജി,മ്യൂസിക് , ഫിസിക്കൽ എഡ്യൂക്കേഷൻ ആൻഡ് സ്പോർട്സ് സയൻസസ്,ലൈബ്രറി ആൻഡ് ഇൻഫർമേഷൻ സയൻസ്,ഇംഗ്ലീഷ്, മാത്തമാറ്റിക്കൽ സയൻസ്, സ്റ്റാറ്റിസ്റ്റിക്കൽ സയൻസ്,എക്കണോമിക്സ് എന്നി വിഷയങ്ങളിൽ ഓരോ ഒഴിവുകളുണ്ട്.

അസിസ്റ്റന്റ് പ്രൊഫസർ വിഭാഗത്തിൽ വുഡ് സയൻസ് ആൻഡ് ടെക്നോളജി,മ്യൂസിക്, എക്കണോമിക്സ് എന്നി വിഷയങ്ങളിൽ ഓരോ ഒഴിവുകളുണ്ട്. 06-12-2025 വരെ ഓൺലൈനായി അപേക്ഷകൾ സമർപ്പിക്കാം. അപേക്ഷകളുടെ പ്രിന്റൗട്ടുകൾ മറ്റ് അനുബന്ധരേഖകൾ സഹിതം 12-12-2025, 5.00pm വരെ സർവകലാശാലയിൽ സ്വീകരിക്കുന്നതാണ്. വിശദവിവരങ്ങൾക്ക് കണ്ണൂർ സർവകലാശാല വെബ്സൈറ്റ് www.kannuruniversity.ac.in സന്ദർശിക്കുക.