2025-26 അദ്ധ്യയന വർഷത്തെ എം ബി ബി എസ്, ബി ഡി എസ് ബിരുദ കോഴ്‌സുകളിലേക്കുള്ള മൂന്നാംഘട്ട അലോട്ട്‌മെന്റിന് ശേഷമുള്ള ഒഴിവുകൾ നികത്തുന്നതിനായി സ്ട്രേ വേക്കൻസി ഫില്ലിംഗ് അലോട്ട്‌മെന്റ് നടത്തുമെന്ന് പ്രവേശന പരീക്ഷാ കമ്മീഷണർ അറിയിച്ചു.

കേരള സ്റ്റേറ്റ് മെഡിക്കൽ റാങ്ക് ലിസ്റ്റിൽ ഉൾപ്പെട്ടിട്ടുള്ള വിദ്യാർത്ഥികൾക്ക് നവംബർ 13 രാത്രി 11.59 വരെ ഓൺലൈനായി ഓപ്ഷനുകൾ സമർപ്പിക്കാം. പ്രവേശന പരീക്ഷാ കമ്മീഷണറുടെ ഔദ്യോഗിക വെബ്സൈറ്റ് www.cee.kerala.gov.in വഴിയാണ് ഓപ്ഷനുകൾ സമർപ്പിക്കേണ്ടത്.

സ്ട്രേ വേക്കൻസി അലോട്ട്‌മെന്റ് മുഖേന സർക്കാർ, സ്വാശ്രയ മെഡിക്കൽ, ഡെന്റൽ കോളേജുകളിലെ ഒഴിവുള്ള സീറ്റുകൾ നികത്തും. വിദ്യാർത്ഥികൾക്ക് മുമ്പ് നൽകിയ ഓപ്ഷനുകൾ തിരുത്താനും പുതുക്കാനും പുതിയ ഓപ്ഷനുകൾ ചേർക്കാനും അവസരമുണ്ട്.

അലോട്ട്‌മെന്റ് ലിസ്റ്റിൽ തെരഞ്ഞെടുക്കപ്പെട്ട വിദ്യാർത്ഥികൾക്ക് അലോട്ട്‌മെന്റ് ലെറ്റർ ഡൗൺലോഡ് ചെയ്ത് ബന്ധപ്പെട്ട കോളേജുകളിൽ നേരിട്ട് ഹാജരായി അഡ്മിഷൻ നടപടികൾ പൂർത്തിയാക്കണം. അധിക വിവരങ്ങൾക്കും സഹായത്തിനുമായി പ്രവേശന പരീക്ഷാ കമ്മീഷണറുടെ ഓഫീസ് ഫോൺ നമ്പർ 0471-2525300 ബന്ധപ്പെടാം.