2025-26 അധ്യയന വർഷത്തേക്കുള്ള പ്രൊഫഷണൽ ഡിപ്ലോമ ഇൻ ഫാർമസി, ഹെൽത്ത് ഇൻസ്‌പെക്ടർ, മറ്റ് പാരാമെഡിക്കൽ കോഴ്‌സുകൾ എന്നിവയിലേക്ക് സർക്കാർ, സ്വാശ്രയ കോളേജുകളിലെ ഒഴിവുള്ള സീറ്റുകളിലേക്കുള്ള ഓൺലൈൻ സ്‌പെഷ്യൽ അലോട്ട്‌മെന്റ് നടപടികൾ ആരംഭിച്ചു. പുതുതായി ഉൾപ്പെടുത്തിയ കോളേജുകളിലെ സീറ്റുകളും ഈ പ്രത്യേക അലോട്ട്‌മെന്റിൽ ഉൾപ്പെടുന്നു.

റാങ്ക്‌ലിസ്റ്റിൽ ഉൾപ്പെട്ടിരിക്കുന്ന അപേക്ഷകർ പുതിയതായി കോളേജ്/കോഴ്‌സ് ഓപ്ഷനുകൾ നവംബർ 19 വരെ www.lbscentre.kerala.gov.in വഴി സമർപ്പിക്കേണ്ടതാണ്. മുൻപ് നൽകിയ ഓപ്ഷനുകൾ ഇതിൽ പരിഗണിക്കില്ലെന്നും അപേക്ഷകർ പുതിയതായി ഓപ്ഷനുകൾ നൽകേണ്ടതാണെന്നും അധികൃതർ അറിയിച്ചു.

മുൻ അലോട്ട്‌മെന്റുകൾ വഴി പ്രവേശനം ലഭിച്ചവർ സ്‌പെഷ്യൽ അലോട്ട്‌മെന്റിൽ പങ്കെടുക്കുന്നതിന് നിർബന്ധമായും നിരാക്ഷേപപത്രം (NOC) അതത് കോളേജുകളിൽ നിന്ന് ഓൺലൈൻ ആയി നേടണം. NOC സമർപ്പിക്കാത്തവർക്ക് പുതുക്കിയ അലോട്ട്‌മെന്റിൽ പങ്കെടുക്കാൻ സാധിക്കില്ല.

അലോട്ട്‌മെന്റുമായി ബന്ധപ്പെട്ട കൂടുതൽ വിവരങ്ങൾക്ക് 0471-2560361, 2560362, 2560363, 2560364 എന്നീ നമ്പറുകളിൽ ബന്ധപ്പെടാവുന്നതാണ്.