പ്രമുഖ കമ്പനികളിൽ യുവജനങ്ങൾക്ക് പ്രായോഗിക തൊഴിൽ പരിശീലനം നൽകുന്നതിനായി പുതിയ പദ്ധതിയുമായി കേന്ദ്ര സർക്കാർ. 'പ്രധാനമന്ത്രി ഇന്റേൺഷിപ്പ് പദ്ധതി' (പിഎംഈഎസ്) എന്നാണ് പദ്ധതി കേന്ദ്ര കോർപ്പറേറ്റ് കാര്യ മന്ത്രാലയമാണ് നടപ്പാക്കുന്നത്. ഈ പദ്ധതിയിലൂടെ രാജ്യത്തെ പ്രമുഖ കമ്പനികളിൽ പ്രവൃത്തിപരിചയത്തിനായി ഉദ്യോഗാർത്ഥികൾക്ക് നേരിട്ട് അപേക്ഷിക്കാം.

നിയമനം ലഭിക്കുന്നവർക്ക് പ്രതിമാസം 9,000 രൂപ വരെ സ്റ്റൈപൻഡ് ലഭിക്കും. യുവാക്കളുടെ തൊഴിൽ നൈപുണ്യം വർദ്ധിപ്പിക്കുകയാണ് പദ്ധതിയുടെ ലക്ഷ്യം.

അപേക്ഷിക്കാൻ യോഗ്യതയുള്ളവർ:

• പ്രായപരിധി: 18 മുതൽ 25 വയസ് വരെ

• വിദ്യാഭ്യാസ യോഗ്യത:

• ഹൈസ്കൂൾ അല്ലെങ്കിൽ ഹയർ സെക്കൻഡറി പാസായവർ

  1. ITI സർട്ടിഫിക്കറ്റ് / പോളിടെക്നിക് ഡിപ്ലോമ ഉള്ളവർ

  2. ബിരുദ വിദ്യാർത്ഥികൾ (BA, B.Sc, B.Com, BCA, BBA, B.Pharma, B.E/B.Tech തുടങ്ങിയവ)

  3. പിജി വിദ്യാർത്ഥികൾ (MA, M.Sc, M.Com, MCA, M.Tech തുടങ്ങിയവ)

  4. ഓൺലൈൻ അല്ലെങ്കിൽ ഡിസ്റ്റൻസ് ലേണിങ് കോഴ്‌സുകളിൽ പഠിക്കുന്നവർക്കും അപേക്ഷിക്കാം

  5. ഫുൾടൈം ഗ്രാജുവേഷൻ/പിജിയുടെ ഫൈനൽ ഇയർ വിദ്യാർത്ഥികൾക്കും അപേക്ഷിക്കാൻ അർഹതയുണ്ട്

ഇന്റേൺഷിപ്പിന്റെ കാലാവധി:

• ഇന്റേൺഷിപ്പ് കാലാവധി സാധാരണയായി 6 മാസം അല്ലെങ്കിൽ 9 മാസം ആയിരിക്കും

• ഇത് ഇന്റേൺഷിപ്പിന്റെ സ്വഭാവം, സെക്ടർ, കമ്പനി ആവശ്യകത എന്നിവയെ ആശ്രയിച്ചിരിക്കും

• മൊത്തം കാലാവധിയുടെ കുറഞ്ഞത് പകുതി സമയം പ്രായോഗിക ജോലി അനുഭവത്തിനായി

• ഇന്റേൺഷിപ്പ് കാലയളവിന്റെ കുറഞ്ഞത് പകുതി സമയം പ്രായോഗിക ജോലി പരിചയം നേടുന്നതിനായി യഥാർത്ഥ ജോലിസ്ഥലത്ത് (actual work environment) ചെലവഴിക്കണം

അപേക്ഷിക്കേണ്ട വിധം

• ഔദ്യോഗിക വെബ്സൈറ്റ് ആയ pminternship.mca.gov.in സന്ദർശിക്കുക

• ഹോംപേജിൽ “Paid internships in top companies” എന്ന ഓപ്ഷൻ തെരഞ്ഞെടുക്കുക.

• ലഭ്യമായ കമ്പനികളുടെ ലോഗോകൾ കാണാം, താൽപര്യമുള്ള കമ്പനിയുടെ ലോഗോ ക്ലിക്ക് ചെയ്യുക

• ആ കമ്പനിയിൽ ലഭ്യമായ എല്ലാ ഇന്റേൺഷിപ്പുകളും സ്ക്രീനിൽ പ്രദർശിപ്പിക്കും; വിശദാംശങ്ങൾ പരിശോധിക്കുക

• ഹോംപേജിന്റെ മുകളിൽ വലത് ഭാഗത്ത് ഉള്ള Login/Register ബട്ടൺ ക്ലിക്ക് ചെയ്യുക

• യൂസർനെയിം /മൊബൈൽ നമ്പർ, പാസ്‌വേഡ് നൽകി ലോഗിൻ ചെയ്യുക

• താൽപര്യമുള്ള ഇന്റേൺഷിപ്പിലേക്ക് അപേക്ഷ സമർപ്പിക്കുക.

കൂടുതൽ വിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കുക.

https://pminternship.mca.gov.in/login/