എസ്.ആർ.സി കമ്മ്യൂണിറ്റി കോളേജ് 2026 ജനുവരി സെഷനിൽ ആരംഭിക്കുന്ന ഡിപ്ലോമ ഇൻ ലൈഫ് സ്‌കിൽസ് എഡ്യൂക്കേഷൻ പ്രോഗ്രാമിലേക്ക് ഓൺലൈനായി അപേക്ഷ ക്ഷണിച്ചു. ഒരു വർഷമാണ് കോഴ്‌സിന്റെ കാലാവധി. 18 വയസ് പൂർത്തിയായ പ്ലസ് ടു യോഗ്യതയുള്ളവർക്ക് അപേക്ഷിക്കാം.

ശനി, ഞായർ, പൊതുഅവധി ദിവസങ്ങളിലായിരിക്കും കോഴ്‌സിന്റെ കോൺടാക്ട് ക്ലാസുകൾ സംഘടിപ്പിക്കുക. തൊഴിൽ നൈപുണ്യങ്ങൾ മെച്ചപ്പെടുത്തുന്നതിനും വ്യക്തിഗത വളർച്ചയ്ക്കും സഹായകമായ രീതിയിലാണ് പ്രോഗ്രാം രൂപകൽപ്പന ചെയ്തിരിക്കുന്നത്.

താൽപര്യമുള്ളവർ https://app.srccc.in/register എന്ന ലിങ്കിലൂടെ അപേക്ഷ ഓൺലൈനായി സമർപ്പിക്കണം. കോഴ്‌സുമായി ബന്ധപ്പെട്ട കൂടുതൽ വിവരങ്ങൾ www.srccc.in എന്ന ഔദ്യോഗിക വെബ്സൈറ്റിൽ ലഭ്യമാണ്.