സ്റ്റാഫ് സെലക്ഷൻ കമ്മീഷൻ (SSC) പ്രാദേശിക ഭാഷകളിലെ വിദഗ്ധരുടെ പാനൽ തയ്യാറാക്കാൻ അപേക്ഷ ക്ഷണിച്ചു. മലയാളം, കന്നഡ, കൊങ്കണി, തമിഴ്, തെലുങ്ക് ഉൾപ്പെടെ 13 പ്രാദേശിക ഭാഷകളിലാണ് ഒഴിവുകൾ ഉള്ളത്. അംഗീകൃത സ്കൂൾ, കോളേജ്, സർവകലാശാല എന്നിവിടങ്ങളിലെ ബന്ധപ്പെട്ട ഭാഷയിലെ നിലവിലെ അല്ലെങ്കിൽ വിരമിച്ച അധ്യാപകർ, ലക്ചറർമാർ, ഫാക്കൽറ്റി അംഗങ്ങൾ എന്നിവർക്ക് അപേക്ഷിക്കാം.

പ്രാദേശിക ഭാഷകൾ

1. അസമീസ്

2. ബംഗാളി

3. ഗുജറാത്തി

4. കന്നഡ

5. കൊങ്കണി

6. മലയാളം

7. മറാത്തി

8. ഒഡിയ

9. പഞ്ചാബി

10. തമിഴ്

11. തെലുങ്ക്

12. ഉർദു

13. മണിപ്പൂരി (മെയ്തെയ്)

യോഗ്യത

അംഗീകൃത സ്കൂൾ, കോളേജ്, സർവകലാശാല എന്നിവിടങ്ങളിലെ ബന്ധപ്പെട്ട ഭാഷയിലെ നിലവിലെ അല്ലെങ്കിൽ വിരമിച്ച അധ്യാപകർ, ലക്ചറർമാർ, ഫാക്കൽറ്റി അംഗങ്ങൾ എന്നിവർക്ക് അപേക്ഷിക്കാം. ബന്ധപ്പെട്ട ഭാഷയ്ക്കൊപ്പം ഇംഗ്ലീഷിലും ഹിന്ദിയിലും നല്ല പരിജ്ഞാനം ഉണ്ടായിരിക്കണം.

നിയമനം താൽക്കാലിക അടിസ്ഥാനത്തിലായിരിക്കും. ആവശ്യാനുസരണം ന്യൂഡൽഹിയിലെ സ്റ്റാഫ് സെലക്ഷൻ കമ്മീഷൻ ആസ്ഥാനത്ത് ഹാജരായി ജോലി ചെയ്യണം. പ്രതിഫലം കമ്മീഷൻ അംഗീകരിച്ച നിരക്കുകൾ പ്രകാരമായിരിക്കും.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

താൽപര്യമുള്ളവർ വിശദമായ ബയോഡാറ്റയും അനുബന്ധ രേഖകളും soqb.415@ssc.nic.in എന്ന ഇ-മെയിൽ വിലാസത്തിലേക്ക് 2026 ജൂൺ 17 നകം അയയ്ക്കണം. വിജ്ഞാപനം സന്ദർശിക്കുക

https://ssc.gov.in/api/experts.pdf