ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ റിയല്മി പുതിയ സീരീസ് ഉടന് തന്നെ പുറത്തിറക്കും. ജിടി 8 സീരീസ് ഉടന് തന്നെ പുറത്തിറക്കുമെന്ന് കമ്പനി അറിയിച്ചു. ഈ സീരീസിന് കീഴില് രണ്ടു ഫോണുകളാണ് വിപണിയില് അവതരിപ്പിക്കുക. ജിടി 8, ജിടി 8 പ്രോ എന്നി വേരിയന്റുകളാണ് വില്പ്പനയ്ക്ക് എത്തുക.
രണ്ട് സ്മാര്ട്ട്ഫോണുകളിലും ഏറ്റവും പുതിയ ക്വാല്കോം സ്നാപ്ഡ്രാഗണ് 8 എലൈറ്റ് ജെന് 5 ചിപ്സെറ്റ് ഉണ്ടായിരിക്കും. ഇത് പ്രീമിയം പ്രകടനവും മെച്ചപ്പെട്ട പവര് കാര്യക്ഷമതയും വാഗ്ദാനം ചെയ്യും. ജിടി 8 പ്രോ വലിയ 7000mAh ബാറ്ററിയുമായാണ് വിപണിയില് എത്തുക. പുതിയ സീരീസിലെ ഹാന്ഡ്സെറ്റുകള് 120W ഫാസ്റ്റ് വയര്ഡ് ചാര്ജിങ്ങിനെയും 50W വയര്ലെസ് ചാര്ജിങ്ങിനെയും കൂടുതല് പിന്തുണയ്ക്കും. കുറെനേരം ഗെയിം കൡക്കുമ്പോള് സംഭവിക്കാറുള്ള ഫോണ് ചൂടാകല് ഒഴിവാക്കാന് ഇത് സഹായിക്കും.
പുതിയ സീരീസിന്റെ ബാറ്ററി വെറും 15 മിനിറ്റിനുള്ളില് 0 മുതല് 15 ശതമാനം വരെ ചാര്ജ് ചെയ്യാന് കഴിയുമെന്നും ഇത് വളരെ വേഗത്തിലുള്ള ടോപ്പ്-അപ്പുകള് വാഗ്ദാനം ചെയ്യുമെന്നും കമ്പനി അവകാശപ്പെടുന്നു.ഫോണ് 8.20mm കനത്തോടെയാണ് വരുന്നത്. സുഗമമായ ദൃശ്യങ്ങള്ക്കായി 144Hz റിഫ്രഷ് റേറ്റുള്ള 6.78 ഇഞ്ച് OLED ഡിസ്പ്ലേ ഉണ്ടായിരിക്കും. HDR പിന്തുണയ്ക്കൊപ്പം ഉയര്ന്ന തെളിച്ചവും ഡിസ്പ്ലേ വാഗ്ദാനം ചെയ്യും. ഇത് ഒരു അള്ട്രാസോണിക് ഇന്-ഡിസ്പ്ലേ ഫിംഗര്പ്രിന്റ് സെന്സറുമായി ജോടിയാക്കിയാണ് ഫോണ് വിപണിയില് എത്തുക.
ജിടി 8 പ്രോയില് 50 എംപി പ്രധാന OIS സെന്സര് നയിക്കുന്ന ട്രിപ്പിള് കാമറ സജ്ജീകരണം, 50 എംപി അള്ട്രാ-വൈഡ് ലെന്സ്, 108 എംപി ടെലിഫോട്ടോ കാമറ എന്നിവ ഉള്പ്പെടും. ഹാന്ഡ്സെറ്റ് 120fpsല് 4K വീഡിയോ റെക്കോര്ഡിംഗിനെ പിന്തുണയ്ക്കും. ഫോണ് 16 ജിബി വരെ റാമും 1TB സ്റ്റോറേജും വാഗ്ദാനം ചെയ്യുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates