ഒന്നിനും ഒരു ഉത്സാഹമില്ലെന്ന് തോന്നുമ്പോള്‍ ഉടനടി ചിന്തിക്കുന്നത് കടുപ്പത്തിലൊരു കാപ്പി കുടിക്കാം എന്നായിരിക്കും. ദിവസം മുഴുവന്‍ ഉന്മേഷത്തോടെയിരിക്കാന്‍ കാപ്പി അടക്കമുള്ള കഫീന്‍ അടങ്ങിയ പാനീയങ്ങളെയാണ് പലരും ആശ്രയിക്കുന്നത്. കഫീന്‍ ആരോഗ്യത്തിന് നല്ലതല്ലെന്ന് അറിയാമെങ്കിലും, അതല്ലാതെ വേറെ വഴിയില്ലെന്ന് കരുതിയാണ് ഈ പതിവ് മാറ്റാത്തത്. പക്ഷെ, കാപ്പിയും കഫീന്‍ അടങ്ങിയ മറ്റ് പാനീയങ്ങളും കുടിച്ചില്ലെങ്കിലും ഊര്‍ജ്ജം നിലനിര്‍ത്താന്‍ കഴിയും, എങ്ങനെയെന്നറിയാം. 

പ്രാതല്‍ പ്രോഷകസമൃദ്ധമാക്കാം - പോഷകങ്ങള്‍ നിറഞ്ഞ ഭക്ഷണം ശരീരത്തിന് സ്ഥരതയോടെ ഊര്‍ജ്ജം നല്‍കും. ഇവ ദഹിക്കാന്‍ കൂടുതല്‍ സമയമെടുക്കും എന്നുള്ളതാണ് ഇതിന്റെ പിന്നിലെ കാരണങ്ങളിലൊന്ന്. മുട്ട, പാലുത്പന്നങ്ങള്‍, നട്ട്‌സ് എന്നിവ കഴിക്കുന്നത് ഗുണം ചെയ്യും. 

ആവശ്യത്തിന് വെള്ളം കുടിക്കണം - ശരീരത്തിന് ഭക്ഷണം മാത്രം പോര, ആവശ്യത്തിന് വെള്ളവും നല്‍കണം. ചായയും കാപ്പിയുമൊക്കെ കുടിക്കുമ്പോള്‍ ശരീരത്തിലെ ജലാംശം കുറയുകയാണ് ചെയ്യുന്നത്. അതുകൊണ്ട് ഇളനീര്‍, ഫ്രഷ് ജ്യൂസ് പോലുള്ളവ തെരഞ്ഞെടുക്കാം. 

രക്തത്തിലെ പഞ്ചസാരയുടെ അളവ്  -  ശരീരത്തിലെ ഓരോ കോശങ്ങള്‍ക്കും ഊര്‍ജ്ജം പ്രധാനം ചെയ്യുന്നത് രക്തത്തില്‍ അടങ്ങിയിട്ടുള്ള പഞ്ചസാരയാണ്. രക്തത്തില്‍ പഞ്ചസാരയുടെ അളവ് കുറവാണെങ്കില്‍ ഇത് ഊര്‍ജ്ജക്കുറവിന് കാരണമാകും. പഞ്ചസാരയുടെ അളവ് കൂടുതലാണെങ്കിലും ക്ഷീണവും മറ്റ് അസ്വസ്ഥതകളും അനുഭവപ്പെടും. മധുരപലഹാരങ്ങളും പാനീയങ്ങളും ആശ്രയിക്കുന്നത് നിമിഷനേരത്തേക്ക് ഊര്‍ജ്ജം നല്‍കുമെങ്കിലും ഇത് നീണ്ടുനില്‍ക്കുകയില്ല. ദീര്‍ഘനേരം ഊര്‍ജ്ജം നിലനിര്‍ത്തണമെങ്കില്‍ ആരോഗ്യകരമായ ഭക്ഷണത്തെ ആശ്രയിക്കുന്നതാണ് നല്ലത്. 

വ്യായാമത്തോടെ തുടങ്ങാം - വ്യായാമം ചെയ്യുമ്പോള്‍ ഹൃദയമിടിപ്പ് കൂടും, രക്തയോട്ടവും മെച്ചപ്പെടും. വ്യായാമം ചെയ്യുമ്പോള്‍ ശരീരം എന്‍ഡോര്‍ഫിന്‍, ഡോപാമൈന്‍ എന്നിവയെ പുറത്തുവിടും. ഇത്, ഉന്മേഷവും സന്തോഷവും തോന്നാന്‍ കാരണമാകും. അതുകൊണ്ട്, രാവിലെ എഴുന്നേറ്റ് വ്യായാമം ചെയ്യുന്നത് ദിവസം മുഴുവന്‍ ഊര്‍ജ്ജത്തോടെയിരിക്കാന്‍ സഹായിക്കും. 

രാവിലത്തെ വെയില്‍ - കഫീന്‍ അടങ്ങിയ പാനീയങ്ങള്‍ കുടിക്കുമ്പോള്‍ ഒരു ആശ്വാസം തോന്നുമെന്ന് പലരും പറയാറുണ്ട്. ഇങ്ങനെ ഒരു അനുഭവത്തിനായി ചെയ്യാവുന്ന മറ്റൊരു കാര്യമാണ് വെയില്‍ കൊള്ളുന്നത്. രാവിലെ കുറച്ചുനേരം വെിയില്‍ കൊണ്ടാല്‍ കൂടുതല്‍ ഏകാഗ്രതയും ശ്രദ്ധയും കൈവരിക്കാന്‍ സാധിക്കുകയും മാനസികാരോഗ്യം മെച്ചപ്പെടുകയും ചെയ്യും. ശരീരത്തിന് വേണ്ട വിറ്റാമിന്‍ ഡിയും ഇതുവഴി ലഭിക്കും.

ഈ വാര്‍ത്ത കൂടി വായിക്കൂ 

ഫ്രെഞ്ച് ഫ്രൈസ് ആരാധകരാണോ?; അമിതമാകണ്ട, വിഷാദവും ഉത്കണ്ഠയും കാത്തിരിക്കുന്നു 'പാർട്ടി കഴിഞ്ഞ് നിൽക്കണം, എംഡിക്ക് താൽപ്പര്യമുണ്ട്, പേയ്‌മെന്റ് പ്രശ്‌നമല്ല' ദുരനുഭവം പറഞ്ഞ് അനാർക്കലി 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ