സദ്യയിലെ വിവിധ വിഭവങ്ങൾക്കിടയിൽ പ്രധാനിയാണ് ഓലൻ. നാളികേരം വറുത്തരച്ചും പച്ചക്ക് അരച്ചും ഓലൻ വയ്ക്കാറുണ്ട്. ഓലന് ഉപ്പിടാറില്ലെന്നതാണ് ഒരു പ്രത്യേകത. സദ്യ കഴിക്കുമ്പോൾ മറ്റു കറികളുടെ രുചി നാവിൽ നിന്ന് മാറാതിരിക്കുവാനാണ് ഉപ്പില്ലാതെ ഓലൻ കഴിക്കുന്നത്.

ആരോ​ഗ്യ വാർത്തകൾ കൂടുതൽ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

എന്നാൽ പുതിയ കാലത്ത് രുചിക്ക് അനുസരിച്ച് അൽപ്പം ഉപ്പ് ചേർക്കാറുണ്ട്. പച്ചക്കറികളുടെയും തേങ്ങാപ്പാലിന്റെയും സ്വാഭാവിക രുചി നിലനിർത്താനാണ് ചിലർ ഇത് ഉപ്പില്ലാതെ തയ്യാറാക്കുന്നത്. എങ്ങനെ എളുപ്പത്തിൽ ഓലൻ തയാറാക്കാമെന്ന് നോക്കാം.

ആവശ്യമായ ചേരുവകൾ:-

• കുമ്പളങ്ങ കനം കുറഞ്ഞു നുറുക്കിയത് - 1 കപ്പ്

• പയർ - 1/2 കപ്പ്

• പച്ച മുളക് - 4 എണ്ണം

• വെളിച്ചെണ്ണ - 2 ടേബിൾ സ്പൂൺ

• കറിവേപ്പില

• രണ്ടാം പാൽ - 1 കപ്പ്⁠

• ഒന്നാം പാൽ - 1/2കപ്പ്

തയാറാക്കുന്ന വിധം:-

പയർ കുറച്ചു വെള്ളം ഒഴിച്ച് വേവിച്ചു വയ്ക്കുക. ഇതിലേക്ക് കുമ്പളങ്ങയും രണ്ടാം പാലും മുളകും ചേർത്ത് വേവിക്കുക. അതിലേക്ക് കറിവേപ്പിലയും പച്ച വെളിച്ചെണ്ണയും ഒന്നാം പാലും ചേർത്തിളക്കി തീ അണയ്ക്കുക.