പഞ്ചസാര ഒഴിവാക്കണമെന്ന് കേൾക്കുമ്പോൾ തന്നെ നെറ്റിചുളിക്കുന്നവരാണ് പലരും. ഉറക്കമുണർന്നാൽ ആദ്യം തുടങ്ങുന്ന ചായ മുതൽ പഞ്ചസാരയുടെ ഉപയോ​ഗം തുടങ്ങുകയും ചെയ്യും. ഇതുമൂലം അമിതവണ്ണം മുതൽ ദന്തരോ​ഗങ്ങൾ വരെ നമ്മളെ കീഴടക്കുകയും ചെയ്യും. അതുകൊണ്ട് പഞ്ചസാര രണ്ടാഴ്ചത്തേക്ക് കുറച്ചാലുള്ള ​ഗുണങ്ങൾ ഒന്നറിഞ്ഞിരിക്കാം. 

ന്യൂട്രീഷണിസ്റ്റായ നമാമി അ​ഗർവാൾ ഇൻസ്റ്റ​ഗ്രാമിൽ പങ്കുവെച്ച വിഡിയോയിലാണ് പഞ്ചസാര ഉപയോ​ഗം 14 ദിവസത്തേക്ക് കുറയ്ക്കുന്നതിന്റെ ​ഗുണങ്ങൾ പങ്കുവച്ചിരിക്കുന്നത്. നേരിട്ടുള്ള പഞ്ചസാരയുടെ ഉപയോ​ഗം ഒഴിവാക്കാനാണ് പറഞ്ഞിരിക്കുന്നത്. പഴങ്ങളും മറ്റും കഴിക്കുമ്പോൾ ലഭിക്കുന്ന ഷു​ഗർ ശരീരത്തിന് ആവശ്യമാണ്. ഇങ്ങനെ, 14 ദിവസം പഞ്ചസാര ഒഴിവാക്കുമ്പോൾ ശരീരം രക്തത്തിലെ ഷു​ഗർ നില ഫലപ്രദമായി നിയന്ത്രിക്കാൻ തുടങ്ങുമെന്നതാണ് ആദ്യത്തെ ​ഗുണം. ഇത് ശരീരത്തിലെ ഇൻഫ്ലമേഷൻ കുറയ്ക്കാനും കൂടുതൽ ഊർജ്ജം നേടാനും സഹായിക്കും. 

പഞ്ചസാര കുറയ്ക്കുന്നതിലൂടെ നിങ്ങളുടെ ചർമ്മത്തിലും വ്യത്യാസം കാണാം. ചർമ്മം തിളങ്ങുന്നതും ദഹനപ്രക്രിയ സു​ഗമമാകുന്നതും അറിയാൻ കഴിയുമെന്നാണ് നമാമി പറയുന്നത്. ശരീരഭാരം കുറയ്ക്കണമെന്ന് ആ​ഗ്രഹിക്കുന്നവർക്ക് ഇതൊരു മികച്ച മാർ​ഗ്​ഗമാണെന്നും അവർ കൂട്ടിച്ചേർത്തു. 

ഈ വാര്‍ത്ത കൂടി വായിക്കൂ 

വയറുവേദനയും നെഞ്ചെരിച്ചിലുമൊക്കെ തോന്നിയാല്‍ ഗ്യാസ് ആണെന്ന് കരുതണ്ട; സൂക്ഷിക്കണം, ഹൃദയാഘാതവും ആകാം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ