സ്തനാർബുദം സ്ഥിരീകരിച്ചതിനേക്കുറിച്ച് വെളിപ്പെടുത്തി അമേരിക്കൻ നടി ഡാനിയേൽ ഫിഷെൽ. പോഡ് മീറ്റ്സ് വേൾഡ് എന്ന പോഡ്കാസ്റ്റ് ഷോയിലൂടെയാണ് 43 കാരിയായ ഡാനിയേൽ തന്റെ രോ​ഗാവസ്ഥയെ കുറിച്ച് പങ്കുവെച്ചത്. തനിക്ക് സ്തനാർബുദത്തിന്റെ തുടക്ക അവസ്ഥയായ ഡിസിഐഎസ് (ductal carcinoma in situ) സ്ഥിരീകരിച്ചതായി ഡാനിയേൽ പറഞ്ഞു. വളരെ നേരത്തെയുള്ള രോ​ഗനിർണയം ചികിത്സയ്ക്ക് ​ഗുണം ചെയ്തുവെന്ന് താരം വ്യക്തമാക്കി. നിലവിൽ സർജറിക്കുശേഷമുള്ള ചികിത്സയിലേക്ക് കടക്കുകയാണ് ഡാനിയേൽ.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

എല്ലാ വർഷവും നടത്തുന്ന മാമോ​ഗ്രാമിനു ശേഷം ഡോക്ടറെ കണ്ട് കാര്യങ്ങൾ വിശകലനം ചെയ്യുന്ന പതിവുണ്ട് തനിക്ക്. അത്തരത്തിൽ പോയപ്പോഴാണ് രോ​ഗത്തിന്റെ തുടക്കമാണെന്ന് കണ്ടെത്തിയത്. എത്ര തിരക്കാണെങ്കിലും ഡോക്ടറെ കാണുന്നതിൽ വിട്ടുവീഴ്ച ചെയ്യാറില്ല. ഡോക്ടറെ കാണാൻ സമയമില്ലെന്ന് പറയുന്നത് വളരെ എളുപ്പമാണ്. എന്നാൽ ടെസ്റ്റുകൾ കൃത്യസമയത്ത് ചെയ്യുന്നതും ഡോക്ടറെ കാണിക്കാൻ വൈകിക്കാതിരുന്നതാണ് തന്റെ ചികിത്സ എളുപ്പമാക്കിയതെന്നും ഡാനിയേൽ പറഞ്ഞു.

രോ​ഗാവസ്ഥയെ കുറിച്ച് തുറന്നു പറയുന്നതിൽ ആദ്യം ആശങ്കയുണ്ടായിരുന്നുവെന്നും പിന്നീട് ആ തീരുമാനം മാറ്റുകയായിരുന്നുവെന്നും ഡാനിയേൽ പറയുന്നു. ഭർത്താവ് ജെൻസൺ കാർപിനോടാണ് ആദ്യം രോ​സ്ഥിരീകരണത്തേ കുറിച്ച് തുറന്നു പറഞ്ഞത്. ഇതേക്കുറിച്ച് പറയുന്നവരെല്ലാം അവരുടെ സ്വന്തം കാൻസർ അനുഭവങ്ങളോ, കുടുംബാം​ഗങ്ങളിൽ ആരുടെയെങ്കിലും അനുഭവങ്ങളേക്കുറിച്ചോ ഒക്കെ തന്നോട് പങ്കുവെച്ചിരുന്നുവെന്നും ഡാനിയേൽ പറയുന്നു. ആളുകളോട് എത്രയധികം ഇതേക്കുറിച്ച് പറയാൻ തയ്യാറാവുന്നോ അത്രത്തോളം അനുഭവങ്ങളും ലഭിക്കുമെന്നും ഡാനിയേൽ കൂട്ടിച്ചേർത്തു.