പ്രമേഹ രോ​ഗികൾക്ക് ഏറ്റവും വലിയ വെല്ലുവിളി ഭക്ഷണക്രമമാണ്. അതുവരെ ജീവിതത്തിലുണ്ടായിരുന്ന സ്വാതന്ത്ര്യത്തിന് പെട്ടെന്നൊരു കടിഞ്ഞാൺ വീണതുപോലെയാണ് പ്രമേഹത്തെ പലരും നോക്കികാണുന്നത്. കൊഴുപ്പ് അമിതമായി അടങ്ങിയ ഭക്ഷണം പ്രമേഹരോഗിയുടെ രക്തത്തിലെ ഗ്ലൂക്കോസ് നില താറുമാറാക്കും. അതോടൊപ്പം ഇന്‍സുലിന്‍ പ്രതിരോധശേഷി കുറയ്ക്കുകയും രക്തത്തിലെ കൊളസ്‌ട്രോള്‍ നില കൂടാന്‍ കാരണമാവുകയും ചെയ്യും. എന്നാൽ പ്രമേഹ രോ​ഗികൾക്ക് സുരക്ഷിതമായി കഴിക്കാവുന്ന ചില ഭക്ഷണങ്ങളുണ്ട്.

പഴങ്ങൾ

പഴങ്ങൾ ഫ്രഷ് ആയി മിതമായ അളവിൽ പ്രമേഹ രോ​ഗികൾക്ക് കഴിക്കാവുന്നതാണ്. പഴങ്ങൾ പ്രകൃതിദത്ത പഞ്ചസാര അടങ്ങിയിട്ടുണ്ടെങ്കിൽ അവയിൽ അടങ്ങിയ നാരുകൾ രക്തത്തിലേക്ക് പഞ്ചസാരയുടെ ആ​ഗിരണം കുറയ്ക്കുന്നു. പഴങ്ങളിൽ ശരീരത്തിന് ആവശ്യമായ വിറ്റാമിനുകൾ, ധാതുക്കൾ, ആൻറി ഓക്സിഡൻറുകൾ എന്നിവയാൽ സമ്പന്നമാണ്.

ഈന്തപ്പഴം

ഈന്തപ്പഴത്തിൽ കാർബോഹൈഡ്രേറ്റ് ഉണ്ടെങ്കിലും അവയിലും നാരുകൾ അടങ്ങിയിട്ടുണ്ട്. ഇത് മിതമായ അളവിൽ കഴിക്കുമ്പോൾ സ്ഥിരമായി പഞ്ചസാര ശരീരത്തിൽ ഉണ്ടാകും. നല്ല ജീവിതശൈലിയും ഭക്ഷണക്രമവും ഉളള പ്രമേഹരോ​ഗികൾക്ക് ദിവസവും 2-3 ഈന്തപ്പഴം കഴിക്കാവുന്നതാണ്.

ഗോതമ്പ്

ഗോതമ്പിൽ കാണപ്പെടുന്ന ഒരു പ്രോട്ടീനാണ് ഗ്ലൂറ്റൻ, സീലിയാക് ഡിസീസ് ഉള്ളവർ ഇത് ഒഴിവാക്കണം. ടൈപ്പ് 1 പ്രമേഹമുള്ളവരിൽ ഏകദേശം പത്ത് ശതമാനം ആളുകൾക്കും സീലിയാക് രോഗമുണ്ട്. അതുകൊണ്ടു തന്നെ ഭക്ഷണത്തിൽ ഗോതമ്പ് ഉൾപ്പെടുത്തുന്നത് സംബന്ധിച്ച് സംശയമുള്ളവർ ആരോ​ഗ്യവിദ​ഗ്ധനെ കണ്ട് ഉറപ്പാക്കുന്നതാണ് ഉത്തമം.

ബ്രൗൺ റൈസ്

അരി പ്രമേഹ രോഗിയുടെ ശത്രുവാണെന്നാണ് പലരും വിശ്വസിക്കുന്നത്, എന്നാൽ അതങ്ങനെയല്ല. അരിയിൽ ഉയർന്ന അളവിൽ കാർബോഹൈഡ്രേറ്റും കുറഞ്ഞ നാരുകളും ഉള്ളതിനാൽ മിതമായ അളവിൽ കഴിക്കുന്നത് നല്ലതാണ്. പക്ഷെ തവിടില്ലാത്ത അരിയോ മട്ട അരിയോ കഴിക്കുന്നതാണ് ഉത്തമം.

മധുരക്കിഴങ്ങ്

മധുരക്കിഴങ്ങിൽ കാർബോഹൈഡ്രേറ്റ് കൂടുതലാണെങ്കിലും ഇതിൽ പോഷകങ്ങൾ അടങ്ങിയിട്ടുണ്ട്. നാരുകളും ധാരാളമുണ്ട്. മധുരക്കിഴങ്ങ് പുഴുങ്ങുന്നതിനുപകരം ചുട്ടുപഴുപ്പിക്കുകയോ വറുക്കുകയോ ചെയ്യുന്നത് ഗ്ലൈസെമിക് സൂചിക കുറയ്ക്കാൻ സഹായിക്കും.

പാൽ

പ്രോട്ടീനിന്റെയും കാൽസ്യത്തിന്റെയും ഉറവിടമായാണ് പശുവിൻ പാൽ കണക്കാക്കപ്പെടുന്നത്. പ്രമേഹ രോഗിയുടെ ഭക്ഷണത്തിൽ ഇത് ഉൾപ്പെടുത്തുന്നത് നല്ലതാണ്. പാലിൽ നിന്നുള്ള കാർബോഹൈഡ്രേറ്റുകൾ എല്ലാ ദിവസത്തെയും ഭക്ഷണത്തിൽ ഉൾപ്പെട്ടിട്ടുണ്ടെന്ന് ഉറപ്പാക്കണം. പ്രത്യേകിച്ച് സസ്യാഹാരികൾ പാൽ മിതമായ അളവിലെങ്കിലും ഉൾപ്പെടുത്തണം.

പഞ്ചസാര രഹിത മധുരപലഹാരങ്ങൾ

പ്രമേഹമുണ്ടെന്നറിഞ്ഞാൽ അതിനർത്ഥം നിങ്ങൾ ഡസേർട്ടുകൾ ഒഴിവാക്കണം എന്നല്ല. പഞ്ചസാരയില്ലാതെ പ്രകൃതിദത്തമായ ചേരുവകൾ ഉപയോഗിച്ച് മധുരപലഹാരം ഉണ്ടാക്കാം, ഇത് മധുരപലഹാരത്തെ പ്രമേഹ സൗഹൃദമാക്കുന്നു. ഉദാഹരണത്തിന്, ആപ്പിൾ ഖീർ, ഉണക്കമുന്തിരിയുള്ള റവ ഖീർ, ആപ്പിളിനൊപ്പം ഓട്സ് കഞ്ഞി എന്നിവ പ്രമേഹ രോഗികൾക്ക് നല്ലതാണ്.

പയർവർഗ്ഗങ്ങൾ

കടല പോലെയുള്ള പയർവർഗ്ഗങ്ങളിൽ കാർബോഹൈഡ്രേറ്റിൽ ഉയർന്നതായി കണക്കാക്കപ്പെടുന്നുവെങ്കിലും, വ്യത്യസ്ത വിറ്റാമിനുകളും ധാതുക്കളും ഉൾപ്പെടെ ഇവയിൽ ധാരാളം പ്രോട്ടീനും നാരുകളും ഉണ്ട്. ആരോഗ്യകരമായ ഭക്ഷണക്രമത്തിന്റെ അവിഭാജ്യ ഘടകമായ ഇവ പ്രമേഹ രോഗിയുടെ ഭക്ഷണത്തിൽ ഉൾപ്പെടുത്തണം