ശരീരഭാരം കുറയ്ക്കാനും ആരോ​ഗ്യം മെച്ചപ്പെടുത്താനുമായി ചോറിൽ നിന്ന് ചപ്പാത്തിയിലേക്ക് ചുവടുമാറിയ നിരവധി ആളുകളുണ്ട്. പ്രോട്ടീനും നാരുകളും കാർബോഹൈഡ്രേറ്റുകളും അടങ്ങിയ ചപ്പാത്തി വയറിന് സംതൃപി നൽകാനും അമിതമായി ഭക്ഷണം കഴിക്കുന്നത് ഒഴിവാക്കാനും സഹായിക്കുന്നു.

ഒരു ദിവസം എത്ര ചപ്പാത്തി വരെ കഴിക്കാം

ആരോ​ഗ്യമുള്ള ഒരാൾക്ക് രണ്ട് മുതൽ നാല് വരെ ഇടത്തരം വലിപ്പമുള്ള ​ഗോതമ്പു ചപ്പാത്തികൾ കഴിക്കാം. എന്നാൽ ഇത് പൂർണമായും വൃക്തിയുടെ ആവശ്യങ്ങളുടെയും ജീവിതശൈലിയെയും ആശ്രയിച്ചിരിക്കുന്നു.

55–65 കിലോഗ്രാം ഭാരമുള്ള ഒരാൾ ഇരുന്ന് ജോലി ചെയ്യുകയോ ലഘുവായ ജോലി ചെയ്യുകയോ ആണെങ്കിൽ, ഒരു ദിവസം 3–4 ചപ്പാത്തി മതിയാകും. അതേസമയം, 65–75 കിലോഗ്രാം ഭാരമുള്ളവരും മിതമായ അളവിൽ സജീവവുമായവർക്ക് 4–5 ചപ്പാത്തി കഴിക്കാം.

75 കിലോയിൽ കൂടുതൽ ഭാരമുള്ളവരോ കഠിനമായ ജോലിയോ വ്യായാമമോ ചെയ്യുന്നവരോ ആണെങ്കിൽ, അവർക്ക് ഒരു ദിവസം 5–6 ചപ്പാത്തി കഴിക്കാം, കാരണം അവരുടെ ശരീരം കൂടുതൽ ഊർജ്ജം ചെലവഴിക്കുന്നു.

ശരീരഭാരം കുറയ്ക്കാൻ!

ശരാശരി വലിപ്പമുള്ള ഒരു ചപ്പാത്തിയിൽ ഏക​ദേശം 80-85 കലോറി അടങ്ങിയിട്ടുണ്ട്. കൂടാടെ 15-18 ​ഗ്രാം വരെ കാർബോഹൈഡ്രേറ്റുകളും അടങ്ങിയിട്ടുണ്ട്. ഉച്ചഭക്ഷണമായാണ് കഴിക്കുന്നതെങ്കിൽ രണ്ട് ചപ്പാത്തി കഴിക്കാം.ഇതിൽ ഏകദേശം 160 കലോറിയും 24–30 ഗ്രാം കാർബോഹൈഡ്രേറ്റും അടങ്ങിയിരിക്കുന്നു.

ചപ്പാത്തിയുടെ എണ്ണം മാത്രം നോക്കിയാൽ പോരാ. പയർ, തൈര്, ചീസ് അല്ലെങ്കിൽ പച്ചക്കറികൾ എന്നിവയ്‌ക്കൊപ്പം ചപ്പാത്തി കഴിക്കുമ്പോൾ, അവ ശരീരത്തിന് പ്രോട്ടീൻ, നാരുകൾ, അവശ്യ പോഷകങ്ങൾ എന്നിവ നൽകുന്നു. ഇത് കൂടുതൽ നേരം വയർ നിറഞ്ഞ തോന്നൽ ഉണ്ടാക്കാനും ഇടയ്ക്കിടെയുള്ള വിശപ്പ് തടയുകയും ചെയ്യുന്നു.

ചപ്പാത്തി മാവിലും കാര്യമുണ്ട്

ഗോതമ്പ് മാവ് ഉപയോ​ഗിച്ചുണ്ടാക്കുന്ന ചപ്പാത്തിയിൽ നാരുകൾ ധാരാളമുണ്ട്, ഭാരം കുറഞ്ഞതും ദൈനംദിന ഭക്ഷണത്തിന് അനുയോജ്യവുമാണ്. ഇത് ദഹിക്കാൻ എളുപ്പമാണ്, ദീർഘനേരം വയറു നിറയുന്നത് നിലനിർത്തുകയും ചെയ്യുന്നു. തിന, സോർഗം, റാഗി, ഓട്സ് എന്നിവ ദഹിക്കുന്നത് സാവധാനത്തിലാകുകയും പോഷകങ്ങളാൽ സമ്പുഷ്ടവുമാണ്.

പ്രമേഹരോഗികൾക്കും ശരീരഭാരം നിയന്ത്രിക്കാൻ ശ്രമിക്കുന്നവർക്കും ഇവ പ്രത്യേകിച്ചും ഗുണം ചെയ്യും. മൈദ ചപ്പാത്തി ശുദ്ധീകരിച്ച മാവിൽ നിന്നാണ് ഉണ്ടാക്കുന്നത്, ഇതിൽ നാരുകൾ കുറവാണ്. ഇത് രക്തത്തിലെ പഞ്ചസാരയുടെ അളവ് വേഗത്തിൽ വർധിപ്പിക്കും, അതിനാൽ ഇത് ദിവസവും കഴിക്കുന്നത് ഒഴിവാക്കുക.

സമയം നോക്കി ചപ്പാത്തി കഴിക്കാം

ഉച്ചകഴിഞ്ഞാണ് ചപ്പാത്തി കഴിക്കാൻ ഏറ്റവും അനുയോജ്യമായ സമയം. ഈ സമയത്ത്, മെറ്റബോളിസം കൂടുതൽ സജീവമാവുകയും കാർബോഹൈഡ്രേറ്റുകൾ ശരിയായി ഉപയോഗിക്കപ്പെടുകയും ചെയ്യുന്നു. രാത്രി കഴിക്കുമ്പോൾ അളവിൽ ശ്രദ്ധിക്കണം. പച്ചക്കറികളോ ചീസോ ഉപയോഗിച്ച് 1-2 ചപ്പാത്തി കഴിക്കുക.

ചപ്പാത്തി കഴിക്കുമ്പോൾ ഇക്കാര്യങ്ങൾ ശ്രദ്ധിക്കുക

• അമിതമായി എണ്ണയോ നെയ്യോ ചപ്പാത്തിയിൽ ഉപയോഗിക്കുന്നത് ഒഴിവാക്കാം.

• വറുത്ത ഭക്ഷണങ്ങൾക്കൊപ്പം ചപ്പാത്തി കഴിക്കുന്നത് ഒഴിവാക്കാം.

• ചപ്പാത്തി ചേർത്ത പ്രോട്ടീൻ സമ്പുഷ്ടമായ ഭക്ഷണം ഒഴിവാക്കുക.