പ്രായമാകുമ്പോൾ ഓർമപ്പിശക് സാധാരണമാണെന്നാണെല്ലോ... എന്നാല്‍ ഭക്ഷണക്രമത്തിലൂടെ ഈ ഓര്‍പ്പിശകിനെ ഒഴിവാക്കാന്‍ സാധിക്കുമെന്ന് പഠനം. വാര്‍ദ്ധക്യത്തിലെ ഈ വൈജ്ഞാനിക തകര്‍ച്ച കാലക്രമേണയായി തലച്ചോറിൽ ഇരുമ്പിന്റെ ശേഖരണം അടിഞ്ഞു കൂടുന്നതുകൊണ്ട് സംഭവിക്കുന്നതാണെന്നാണ് ഒരു വിഭാഗം ഗവേഷകര്‍ പറയുന്നത്.

തലച്ചോറിലെ അടിഞ്ഞുകൂടുന്ന ഇരുമ്പ് കോശങ്ങളിൽ സമ്മർദം ഉണ്ടാക്കുകയും അവയുടെ ഊർജ്ജ ഉൽപാദനത്തെ തകരാറിലാക്കുകയും ചെയ്യുന്നു. തലച്ചോറിൽ ഇരുമ്പ് അടഞ്ഞുകൂടുന്നത് വൈജ്ഞാനിക തകർച്ച, അൽഷിമേഴ്സ്, ഡിമെൻഷ്യ തുടങ്ങിയ ന്യൂറോഡീജനറേറ്റീവ് രോഗങ്ങളുമായി ബന്ധപ്പെട്ടിരിക്കുന്നുവെന്ന് മുന്‍ പഠനങ്ങള്‍ ചൂണ്ടിക്കാണിക്കുന്നു.

തലച്ചോറില്‍ ഇരുമ്പിന്‍റെ അംശം അടിഞ്ഞു കൂടുന്നത് ഒഴിവാക്കാന്‍ ആന്റിഓക്‌സിഡന്റുകളും പോളിഅൺസാച്ചുറേറ്റഡ് ഫാറ്റി ആസിഡുകളും അടങ്ങിയ ഭക്ഷണങ്ങള്‍ കഴിക്കുന്നത് സഹായിക്കുമെന്ന് ന്യൂറോബയോളജി ഓഫ് ഏജിങ് എന്ന ജേണലിൽ പ്രസിദ്ധീകരിച്ച പഠനത്തില്‍ വ്യക്തമാക്കുന്നു. ഇതിലൂടെ പ്രായമാകുമ്പോൾ ഉണ്ടാകുന്ന വൈജ്ഞാനിക തകർച്ചയുടെ സാധ്യത കുറയ്ക്കാനും ഓർമശക്തിയെ സംരക്ഷിക്കാനും സഹായിക്കുമെന്ന് ​ഗവേഷകർ പറയുന്നു.

കലോറിയെ ഭയക്കാതെ ക്രിസ്മസ് ആഘോഷിക്കാം, ക്ലാസിക് പ്ലം ആന്‍റ് റം കേക്ക് റെസിപ്പി

ഡയറ്റിൽ എന്തൊക്കെ ഉൾപ്പെടുത്തണം

ആന്റി-ഓക്സിന്റുകൾ ധാരാളം അടങ്ങിയ ബെറിപ്പഴങ്ങളും ഇലക്കറികളും ഒമേഗ-3 ഫാറ്റി ആസിഡുകൾ അടങ്ങിയ മീന്‍, നട്സ് തുടങ്ങിയ ഭക്ഷണങ്ങളും ഇരുമ്പിന്റെ അളവു കുറയ്ക്കാൻ സഹായിക്കും. ഈ പോഷകങ്ങൾ മെമ്മറി, ചിന്ത എന്നിവയുമായി ബന്ധപ്പെട്ട തലച്ചോറിന്റെ മേഖലകളെ സംരക്ഷിക്കുകയും വൈജ്ഞാനിക തകർച്ചയുടെ തീവ്രത കുറയ്ക്കുകയും ചെയ്യുന്നു.