വേനൽ ചൂടിന് ആശ്വാസമായെങ്കിലും ഇടതടവില്ലാതെ പെയ്യുന്ന മഴ സന്ധിവാത രോ​ഗികൾക്ക് അത്ര നല്ലകാലമല്ല. മഴക്കാലത്താണ് സന്ധിവാതം മൂലമുണ്ടാകുന്ന വേദനയും നീരുമൊക്കെ കൂടുതലും തലപൊക്കുക. അന്തരീക്ഷ ഊഷ്മാവ് കുറയുന്നതും ഈർപ്പവും സന്ധിവാതം ​വഷളാക്കും.

ശരീരത്തിലെ ഒന്നോ അതിലധികമോ സന്ധികളില്‍ നീര്‍ക്കെട്ടോ വീക്കമോ ഉണ്ടാക്കുന്നതാണ് സന്ധിവാതം. ഏത് പ്രായക്കാർക്കും സന്ധിവാതം ഉണ്ടാകാം. തണുത്ത അന്തരീക്ഷണം സന്ധിവാതം വഷളാക്കും.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

മഴക്കാലത്ത് സന്ധിവാത ലക്ഷണങ്ങൾ ഇങ്ങനെ ലഘൂകരിക്കാം

ശരീരം ചൂടാക്കി നിലനിർത്താം

സന്ധിവേദന നിയന്ത്രിക്കുന്നതിന് ശരീരം ചൂടാക്കി നിലനിർത്തേണ്ടത് അത്യാവശ്യമാണ്. അതിനായി വീടിനുള്ളിൽ നടക്കുമ്പോൾ തണുപ്പ് കാലിൽ തട്ടാതിരിക്കാൻ സോക്സോ ചെരുപ്പോ ഉപയോ​ഗിക്കുന്നത് നല്ലതാണ്. കൂടാതെ ചൂടുവെള്ളത്തിൽ കുളിക്കുന്നത് ശരീരത്തിലെ രക്തചംക്രമണം വർധിക്കാനും സന്ധിവേദനം കുറയ്‌ക്കാനും സഹായിക്കുന്നു. ഹോട്ട്‌ വാട്ടർ ബാ​ഗ് ഉപയോ​ഗിച്ച് ഇടയ്‌ക്ക് സന്ധികളിൽ ചൂടുപിടിക്കുന്നതും കട്ടിയുള്ള വസ്ത്രം ധരിക്കുന്നത്തും ശരീരം ചൂടാക്കി നിർത്താൻ സഹായിക്കും.

വ്യായാമം

മഴക്കാലത്ത് പുറത്തിറങ്ങി നടക്കാനോ വ്യായാമമോ ചെയ്യാൻ കഴിയാത്തതും സന്ധിവേദന കൂട്ടാൻ അതിനാൽ മഴക്കാലത്ത് ഇൻഡോർ വ്യായാമങ്ങൾ ചെയ്യാൻ ശ്രദ്ധിക്കണം. വീടിനുള്ളിലൂടെ നടക്കുക, സ്ട്രെച്ചിങ് വ്യായാമങ്ങൾ തുടങ്ങിയവ ചെയ്യാം.

പോഷകാഹാരം

നീര്‍ക്കെട്ട് കുറയ്ക്കുന്ന ആന്‍റി ഇന്‍ഫ്ളമേറ്ററി ഗുണങ്ങളുള്ള ഭക്ഷണങ്ങള്‍ ഈ സമയത്ത് കഴിക്കാൻ ശ്രദ്ധിക്കുക. വൈറ്റമിന്‍ ഇ അടങ്ങിയ നട്സ്, അവക്കാഡോ, വിത്തുകള്‍, കടല്‍ മത്സ്യങ്ങൾ, ബെറിപഴങ്ങള്‍, ഹോള്‍ ഗ്രെയ്നുകള്‍, പഴങ്ങള്‍ എന്നിവ ദിവസവും കഴിക്കണം. മുട്ടയും ഭക്ഷണക്രമത്തില്‍ ഉള്‍പ്പെടുത്തുന്നത് നല്ലതാണ്.

ശരീരഭാരം നിയന്ത്രിക്കുക

അമിത ശരീരഭാരം സന്ധിവേദനയ്ക്കും അസ്വസ്ഥതയ്ക്കും കാരണമാകാം. അതിനാല്‍ ശരീരഭാരം നിയന്ത്രിക്കാനും മഴക്കാലത്ത് ശ്രദ്ധിക്കേണ്ടതാണ്.

എസി/ഫാൻ ഉപയോഗം ഒഴിവാക്കുക

മഴക്കാലത്ത് എസി അല്ലെങ്കിൽ ഫാൻ എന്നിവയുടെ ഉപയോ​ഗം സന്ധിവാതം മൂലമുണ്ടാകുന്ന പ്രശ്നങ്ങൾ വഷളാക്കും. അതിനാൽ ഇവയുടെ ഉപയോ​ഗം ഒഴിവാക്കുന്നതാണ് നല്ലത്. വേദന അസഹനീയമാവുകയാണെങ്കില്‍ വൈദ്യസഹായം തേടാനും മറക്കരുത്. മരുന്നുകള്‍ കഴിച്ചു കൊണ്ടിരിക്കുന്നവര്‍ അതില്‍ മുടക്കം വരുത്താതിരിക്കാനും ശ്രദ്ധിക്കേണ്ടതാണ്.