ഉന്മേഷദായകവും വളരെയധികം ആരോഗ്യകരവുമായ ഒന്നായാണ് നാരങ്ങാവെള്ളത്തെ നമ്മള്‍ വിശേഷിപ്പിക്കുന്നത്. ശരീരഭാരം നിയന്ത്രിക്കാനും ദഹനം മെച്ചപ്പെടുത്താനും വിറ്റാമിന്‍ സി പ്രദാനം ചെയ്യാനുമെല്ലാം നാരങ്ങാവെള്ളം നല്ലതാണ്. ഗുണങ്ങളൊരുപാടുണ്ടെങ്കിലും നാരങ്ങാവെള്ളം അമിതമായാല്‍ വിപരീതഫലമായിരിക്കും കൂടുതല്‍. 

►അസിഡിറ്റി പ്രശ്‌നങ്ങള്‍ ഉള്ളവരാണെങ്കില്‍ നാരങ്ങാവെള്ളം കുടിക്കുന്നതിന് മുമ്പ് ആലോചിക്കണം. സിട്രിക് ആസിഡ് അടങ്ങിയിട്ടുള്ളതിനാല്‍ നാരങ്ങാവെള്ളം അമിതമായി കുടിക്കുന്നത് അസിഡിറ്റി അളവ് കൂട്ടും. ഇത് അസ്വസ്ഥതകളും ദഹനപ്രശ്‌നങ്ങളുമൊക്കെ ഉണ്ടാക്കും. 

►നാരങ്ങാവെള്ള നല്ല രുചികരമൊക്കെയാണെങ്കിലും ദീര്‍ഘനാള്‍ ഇവ ഉപയോഗിക്കുന്നത് ദന്താരോഗ്യത്തിന് ഭീഷണിയാകും. നാരങ്ങയിലെ ആസിഡ് സാന്നിധ്യം പല്ലുകളെ കൂടുതല്‍ സെന്‍സിറ്റീവാക്കും. 

►ശരീരത്തിലെ ജലാംശം നിലനിര്‍ത്താന്‍ എല്ലാവരുടെയും ആദ്യത്തെ ചോയിസ് ആയിരിക്കും നാരങ്ങാവെള്ളം, പ്രത്യേകിച്ച് ചൂടുള്ള ദിവസങ്ങളില്‍. എന്നാല്‍ ഇത് അമിതമായാല്‍ വിപരീതഫലമായിരിക്കും. നിര്‍ജ്ജലീകരണം സംഭവിക്കും. നാങ്ങയുടെ ഡൈയൂററ്റിക് സ്വഭാവവും വിഷാംശം ഇല്ലാതാക്കുന്ന പ്രയോജനവും ചേര്‍ന്ന് സുപ്രധാന ഇലക്ട്രോലൈറ്റുകളെ പുറന്തള്ളുകയും നിര്‍ജ്ജലീകരണത്തിലേക്ക് നയിക്കുകയും ചെയ്യും. 

►നാരങ്ങാവെള്ളം നിങ്ങളുടെ അസ്ഥികള്‍ക്ക് അപ്രതീക്ഷിത പ്രത്യാഘാതങ്ങള്‍ ഉണ്ടാക്കും. നാരങ്ങയിലെ അമിതമായ ആസിഡ് സാന്നിധ്യം തന്നെയാണ് ഇവിടെയും വില്ലന്‍. ഇത് എല്ലുകളുടെ ആരോഗ്യത്തെ പ്രതികൂലമായി ബാധിച്ചേക്കാം. അതുകൊണ്ട് മിതമായ അളവില്‍ നാരങ്ങാവെള്ളം കുടിക്കുന്നതാണ് നല്ലത്. 

►പ്രോട്ടീനുകളെ വിഘടിപ്പിക്കുന്ന എന്‍സൈമായ പെപ്‌സിന്‍ സജീവമാക്കാനുള്ള നാരങ്ങയുടെ കഴിവ് ചിലരില്‍ നെഞ്ചെരിച്ചില്‍ ഉണ്ടാക്കിയേക്കാം. ഇത്തരം പാനീയങ്ങള്‍ അള്‍സര്‍ പ്രശ്‌നങ്ങള്‍ക്കും കാരണമാകും. ഇത്തരം ബുദ്ധിമുട്ടുകളുള്ളവരാണെങ്കില്‍ നാരങ്ങാവെള്ളം കുടിക്കുമ്പോള്‍ ശ്രദ്ധിക്കണം. 

ഈ വാർത്ത കൂടി വായിക്കൂ: 

കണ്ണ് കൊടുത്താല്‍ മുഖം വികൃതമാകും, ഫോം പൂരിപ്പിച്ചാല്‍ ഡോണര്‍ ആയി; മാറ്റാം നേത്രദാനത്തെക്കുറിച്ചുള്ള തെറ്റിദ്ധാരണകള്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ