നട്ടുച്ചയ്ക്ക് വെയിൽ കൊള്ളുന്നത് സൂര്യാഘാതം അടക്കമുള്ള ആരോ​ഗ്യപ്രശ്നങ്ങൾക്ക് കാരണമാകുമെന്ന് നമുക്കെല്ലാവർക്കുമറിയാം. വേനൽക്കാലമായതുകൊണ്ടുതന്നെ സൂര്യനിൽ നിന്ന് രക്ഷപെടാനുള്ള വഴികളാണ് എല്ലാവരും തിരയുന്നത്. സൺസ്ക്രീനും കുടയുമൊക്കെയാണ് പലരുടെയും പ്രധാന ആയുധങ്ങൾ. എന്നാലും ഇളംവെയ‌ൽ കൊള്ളുന്നതിന്റെ ആരോ​ഗ്യനേട്ടങ്ങൾ മറന്നുപോകരുത്. 

‌വെയിലിന് കാഠിന്യമേറുന്നതിന് മുമ്പ് രാവിലെ കുറച്ചുസമയം സൂര്യപ്രകാശമേല്‍ക്കുന്നതാണ്  ഏറ്റവും അഭികാമ്യം. എന്നും രാവിലെ 10 മുതല്‍ 20 മിനിട്ട് വരെ സൂര്യപ്രകാശമേല്‍ക്കുന്നത് നല്ലതാണ്. ഇതുവഴി ശരീരത്തിന് ആവശ്യമായ വിറ്റമിന്‍-ഡി ലഭിക്കുമെന്നതാണ് ഏറ്റവും പ്രധാനപ്പെട്ട നേട്ടം. വിറ്റമിന്‍-ഡി യുടെ ഏറ്റവും പ്രധാന സ്രോതസ്സാണ് സൂര്യപ്രകാശം. സൂര്യപ്രകാശമേല്‍ക്കുമ്പോള്‍ ശരീരം വിറ്റമിൻ-ഡി ഉത്പാദിപ്പിക്കും. ഇത് എല്ലുകളുടെയും പല്ലിന്റെയുമൊക്കെ ആരോ​ഗ്യത്തിന് ആവശ്യമായ കാല്‍സ്യം വലിച്ചെടുക്കാൻ ശരീരത്തെ സഹായിക്കും. 

‌വിഷാദവും ഉത്കണ്ഠയുമൊക്കെ അകറ്റി മൂഡ് നന്നാക്കാനും വൈറ്റമിൻ ഡി നല്ലതാണ്. തലച്ചോറിലെ സ്വാഭാവിക ആന്റി-ഡിപ്രസന്റുകളുടെ അളവ് കൂട്ടാന്‍ സൂര്യപ്രകാശത്തിന് കഴിയുമെന്നതാണ് ഇതിന്റെ കാരണം. രാത്രിയില്‍ നല്ല ഉറക്കം ലഭിക്കാനും ഇത് സഹായിക്കും. എനര്‍ജി ഹോര്‍മോണുകളെ ഉത്തേജിപ്പിച്ച് നല്ല ഉന്മേഷം സമ്മാനിക്കുകയും ചെയ്യും. 

ഈ വാര്‍ത്ത കൂടി വായിക്കൂ

സ്‌ട്രോബറി സ്കിൻ അലട്ടുന്നുണ്ടോ? വാക്സ് ചെയ്ത ശേഷമുള്ള ഈ പ്രശ്നം പരിഹരിക്കാം, വഴികളിതാ 

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ