തലേന്ന് കുത്തിയിരുത്തി പഠിച്ച കാര്യങ്ങള്‍ രാവിലെ എഴുന്നേറ്റ് ചോദിച്ചാല്‍ ഓര്‍മിച്ചു പറയാന്‍ ബുദ്ധമുട്ടുന്ന കുട്ടികള്‍ നിരവധിയാണ്. ഇത് അവരുടെ പഠനത്തിലെ പ്രകടനത്തെ ദോഷകരമായി ബാധിക്കാം. പഠിച്ച കാര്യങ്ങള്‍ കുട്ടികള്‍ ഓര്‍മിച്ചു വെക്കാന്‍ ചില ട്രിക്കുകള്‍ പരീക്ഷിച്ചാലോ...
കുട്ടികളുടെ ഓര്‍മശക്തി ചാര്‍ജ് ചെയ്യുന്നതിന് 6 വഴികള്‍
പഠന സമയത്ത് ഇന്ദ്രിയങ്ങളെ കൂടി ഉപയോഗപ്പെടുത്തുന്ന രീതിയാണിത്. പാഠഭാഗങ്ങളിലെ വസ്തുക്കള്‍ കാണിച്ചും ശബ്ദങ്ങള്‍ കേള്‍പ്പിച്ചും പഠിപ്പിക്കാം. കൂടാതെ കാര്‍ഡ് ഗെയിം പോലുള്ള കളികള്‍ കളിക്കുന്നത് കളിയിലെ നിയമങ്ങളും നീക്കങ്ങളും കുട്ടികള്‍ ഓര്‍ത്തുവെക്കാന്‍ പ്രോത്സാഹിപ്പിക്കും. അത് അവരുടെ ഓര്‍മശക്തിയെ മെച്ചപ്പെടുത്താന്‍ പരിശീലിപ്പിക്കും.
സാങ്കല്‍പ്പിക കാസ്ല് മുറിയില്‍ കുട്ടികള്‍ ടീച്ചറായും നിങ്ങള്‍ കുട്ടികളുമാവുക. അവര്‍ പഠിച്ച പാഠഭാഗങ്ങള്‍ അവരെ കൊണ്ട് തന്നെ പഠിപ്പിക്കുക. ചോദ്യങ്ങള്‍ ചോദിക്കുകയും വിശദീകരിക്കാന്‍ പ്രോത്സാഹിപ്പിക്കുന്നതുമൊക്കെ കുട്ടികള്‍ക്ക് പാഠഭാഗങ്ങള്‍ ആവര്‍ത്തിക്കാനും അവ ഓര്‍മയില്‍ സൂക്ഷിക്കാനും സഹായിക്കും.
പാഠഭാഗങ്ങള്‍ കഥ രൂപത്തില്‍ കുട്ടികള്‍ക്ക് മുന്നില്‍ അവതരിപ്പിക്കുന്നത് അവര്‍ക്ക് കൂടുതല്‍ മികച്ച രീതിയില്‍ അത് ഓര്‍ത്തുവെക്കാന്‍ സഹായിക്കും. കൂടാതെ പഠിച്ച ഭാഗങ്ങളുടെ ഷോര്‍ട്ട് നോട്ട് ഉണ്ടാക്കുന്നതും, സ്റ്റിക്കി നോട്‌സ് ഉണ്ടാക്കുന്നതുമൊക്കെ കുട്ടികള്‍ക്ക് നോട്ടുകള്‍ ഉണ്ടാക്കാനും പാഠഭാഗങ്ങളിലെ പ്രസക്ത ഭാഗങ്ങള്‍ അടയാളപ്പെടുത്തുന്നതിനും പ്രോത്സാഹിപ്പിക്കും.
പാഠഭാഗങ്ങളെ ചെറിയ ചെറിയ ഭാഗങ്ങളായി വിഭജിച്ച് ചിട്ടപ്പെടുത്തിയെടുക്കാം. ഇത് കുട്ടികളില്‍ പഠനം എളുപ്പമാക്കാനും കാര്യങ്ങള്‍ ഓര്‍ത്തുവെക്കാനും സഹായിക്കും.
യഥാര്‍ഥ ജീവിത സാഹചര്യങ്ങള്‍ ഉപയോഗപ്പെടുത്തി പഠനത്തെ മികച്ചതാക്കാം. വീടിനു ഉള്ളിലും ചുറ്റും നടക്കുന്ന ദൈനംദിന പ്രവര്‍ത്തനങ്ങളില്‍ നിന്ന് ശാസ്ത്രത്തിന്‍റെ ഉദ്ദാഹരണം കുട്ടികള്‍ക്ക് കാണിച്ചു കൊടുക്കുക. ഇത്തരം ഫീല്‍ഡ് ട്രിപ്പ് കുട്ടികള്‍ക്ക് കാര്യങ്ങളെ കുറിച്ച് ധാരണ ഉണ്ടാക്കും. പ്രധാനപ്പെട്ട തീയതികള്‍, സംഭവങ്ങള്‍ എന്നിവ കുട്ടികളില്‍ ആഴത്തില്‍ പതിയുന്നതിന് വീടിനുള്ളില്‍ കലണ്ടറുകളോ പോസ്റ്ററുകളോ സ്ഥാപിക്കുക.
ചിട്ടയായ പഠന ഷെഡ്യൂളും ദൈനംദിന പരിശീലനങ്ങളും കുട്ടികളില്‍ പഠിക്കാനുള്ള അന്തരീക്ഷമുണ്ടാക്കുന്നു. കൂടാതെ കുട്ടികളില്‍ സ്‌ക്രീന്‍ ടൈം കുറയ്ക്കുക, ആരോഗ്യകരമായ ഭക്ഷണം കഴിക്കുക, എന്നുമുള്ള വ്യായാമം പ്രോത്സാഹിപ്പിക്കുക തുടങ്ങിയ ആരോഗ്യകരമായ ശീലങ്ങള്‍ പ്രോത്സാഹിപ്പിക്കേണ്ടതും പ്രധാനമാണ്. ഇത്തരം ശീലങ്ങള്‍ അവരുടെ മസ്തിഷ്‌ക പ്രവര്‍ത്തനവും ശാരീരിക ആരോഗ്യവും പ്രോത്സാഹിപ്പിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates