പ്രായമാവുക ഒരു സ്വഭാവിക പ്രക്രിയയാണ്. അത് തടയാൻ കഴിയില്ലെങ്കിലും വാർദ്ധക്യ ലക്ഷണങ്ങൾ വരുന്നതിനെ മന്ദ​ഗതിയിലാക്കാൻ സാധിക്കും. അതിനായി വില കൂടിയ ആന്റി-ഏജിങ് സ്കിൻ കെയർ ഉൽപന്നങ്ങളൊന്നും വാങ്ങേണ്ടതില്ല. ദിവസവും 30 മിനിറ്റ് നടത്തം (Walking health benefits) മോർണിങ് ദിനചര്യയിൽ ഉൾപ്പെടുത്താം. മാസങ്ങൾക്കകം തന്നെ ശാരീരികമായും മാനസികമായും ഉന്മേഷവും ആരോ​ഗ്യവും ഉണ്ടാകുന്നതായി സ്വയം അനുഭവപ്പെടും.

കോശതലത്തിൽ വാർദ്ധക്യത്തെ മന്ദഗതിയിലാക്കാൻ സഹായിക്കുന്ന മികച്ച മാർ​ഗമാണ് വ്യായാമമെന്ന് ആരോഗ്യവിദഗ്ധര്‍ പറയുന്നു. ശാരീരിക-മാനസിക ആരോ​ഗ്യത്തിന് വ്യായാമം പ്രധാനമാണ്. നമ്മുടെ ശരീരത്തിന് രണ്ട് വ്യത്യസ്ത പ്രായങ്ങളുണ്ട്. കാലഗണനാ പ്രായം (ക്രൊണോളജിക്കൽ ഏയ്ജ്): നിങ്ങളുടെ ജനന വർഷം മുതൽ കണക്കാക്കിയ നിങ്ങളുടെ പ്രായമാണ് ക്രൊണോളജിക്കൽ ഏയ്ജ്. ജൈവിക പ്രായം (ബയോളജിക്കൽ ഏയ്ജ്): നിങ്ങളുടെ ശാരീരികവും കോശപരവുമായ ആരോഗ്യത്തെ അടിസ്ഥാനമാക്കി നിങ്ങളുടെ ശരീരത്തിന് എത്ര വയസ്സുണ്ടെന്ന് ഇത് സൂചിപ്പിക്കുന്നു.

16-ാം വയസില്‍ സ്തനത്തില്‍ ട്യൂമര്‍, ലോകസുന്ദരിപ്പട്ടം നേടിയ ഒപാല്‍ സുചാതയുടെ അതിജീവന കഥ

ജൈവിക പ്രായം നിങ്ങളുടെ യഥാർഥ പ്രായത്തേക്കാൾ കുറവാണെങ്കിൽ, അതിനർത്ഥം നിങ്ങളുടെ ശരീരം പ്രായം കുറഞ്ഞ ഒരാളെപ്പോലെ പ്രവർത്തിക്കുന്നു എന്നാണ്. ഇത് മന്ദഗതിയിലുള്ള വാർദ്ധക്യ പ്രക്രിയയെ സൂചിപ്പിക്കുന്നു. ജൈവിക പ്രായം കുറയ്ക്കുന്നതിനുള്ള ഒരേയൊരു ഫലപ്രദമായ മാർഗം വ്യായാമമാണെന്ന് അദ്ദേഹം പറയുന്നു.

യോഗ, സ്ക്വാഷ് ​ഗെയിം, ഭാര്യയ്ക്കൊപ്പമുള്ള നടത്തം; ആരോ​ഗ്യത്തിന് പിന്നിലെ രഹസ്യം പറഞ്ഞ് എസ് ജയശങ്കർ

എത്ര സമയം വ്യായാമം ചെയ്യണം?

എയറോബിക് വ്യായാമം മാത്രമല്ല, ഓട്ടം, സൈക്കിങ്, എലിപ്റ്റിക്കൽ പോലുള്ള കാർഡിയോ വാസ്കുലാർ വ്യായാമങ്ങൾ ആഴ്ചയിൽ അഞ്ച് ദിവസം 30 മിനിറ്റ് വീതം ചെയ്യണം. കൂടാതെ സ്ട്രെങ്ത്ത് ട്രെയിനിങ് ഒഴിവാക്കരുത്. ബാലൻസ് ആന്റ് പോസ്ചറില്‍ ശ്രദ്ധ കേന്ദ്രീകരിക്കുക. ബോഡി വേയ്റ്റ് മൂവ്മെന്‍റ് നടത്തുക.