'എല്ലാവർക്കും ആരോഗ്യം' എന്നതാണ് ഈ വർഷത്തെ ലോകാരോഗ്യ ദിനത്തിന്റെ പ്രമേയം. ശാരീരക ആരോഗ്യവും മാനസികാരോഗ്യവും നന്നായി കാത്തുസൂക്ഷിക്കാൻ കഴിയാത്തതാണ് ഇന്ന് പലരും നേരിടുന്ന പ്രശ്‌നം. പലപ്പോഴും ആരോഗ്യത്തെക്കാൾ പ്രാധാന്യം ജീവിതത്തിൽ മറ്റുപല കാര്യങ്ങൾക്കും നൽകുന്നത് നമ്മളെ കൂടുതൽ സങ്കീർണ്ണമായ പ്രശ്‌നങ്ങളിലേക്കെത്തിക്കും. കഴിക്കുന്ന ഭക്ഷണത്തിൽ ചിലത് ഉൾപ്പെടുത്തിയാൽ തന്നെ ശാരീരികാരോഗ്യവും മാനസികാരോഗ്യവും മെച്ചപ്പെടുത്താനാകും. 

നട്ട്‌സ്: ആരോഗ്യം പ്രധാനം ചെയ്യുന്ന കൊഴുപ്പ്, പ്രോട്ടീൻ, ഫൈബർ എന്നിവയാൽ സമ്പന്നമാണ് നട്ടസ്. ദിവസവും ഒരു പിടി നട്ട്‌സ് കഴിക്കുന്നത് ഹൃദയ സംബന്ധമായ അസുഖങ്ങളെയും പ്രമേഹത്തെയുമൊക്കെ അകറ്റിനിർത്താൻ സഹായിക്കും. ശരീരത്തിന് ഊർജ്ജം പകരാനും കൂടുതൽ സമയം ഉന്മേഷത്തോടിരിക്കാനും അമിതമായി ഭക്ഷണം കഴിക്കുന്നത് ഒഴിവാക്കാനുമെല്ലാം നട്ട്‌സ് കഴിക്കുന്നത് നല്ലതാണ്. 

പഴങ്ങളും പച്ചക്കറികളും: ധാരാളം പഴങ്ങളും പച്ചക്കറികളും കഴിക്കുന്നത് മാനസികാവസ്ഥ മെച്ചപ്പെടുത്താൻ സഹായിക്കുന്നതാണ്. ഇവയിൽ ധാരാളം വിറ്റാമിനുകളും ഫൈബർ, മിനറൽസ് എന്നിവയും അടങ്ങിയിട്ടുണ്ട്. ഇവയെല്ലാം നല്ല ആരോഗ്യത്തിന് അനിവാര്യമാണ്. ശരീരഭാരം ശരിയായ അളവിൽ നിലനിർത്താനും വീക്കം കുറയ്ക്കാനും വിട്ടുമാറാത്ത രോഗങ്ങൾ തടയാനും ഇത് സഹായിക്കും. 

കൊഴുപ്പുള്ള മീനുകൾ: സാൽമൺ, ചൂര, മത്തി പോലുള്ള മീനുകൾ ഒമേഗ-3 ഫാറ്റി ആസിഡ് നിറഞ്ഞതാണ്. ഇത് വീക്കം കുറയ്ക്കാനും തലച്ചോറിന്റെ പ്രവർത്തനം മെച്ചപ്പെടുത്താനും സഹായിക്കും. പതിവായി ഇത്തരം മീനുകൾ കഴിക്കുന്നത് മാനസികാരോഗ്യം മെച്ചപ്പെടുത്തുകയും ഹൃദ്രോഗങ്ങളും പക്ഷാഘാതവുമെല്ലാം കുറയ്ക്കാനും സഹായിക്കും. 

മുഴുവൻ ധാന്യങ്ങൾ: ബ്രൗൺ റൈസ്, ഓട്ട്‌സ് പോലുള്ള ധാന്യങ്ങളിൽ ധാരാളം ഫൈബറും പ്രോട്ടീനും വിറ്റാമിനുകളും അടങ്ങിയിട്ടുണ്ട്. ഇത് രക്തത്തിലെ പഞ്ചസാര നിയന്ത്രിക്കാനും വീക്കം കുറയ്ക്കാനും വിട്ടുമാറാത്ത രോഗങ്ങൾ തടയാനും സഹായിക്കും. 

പുളിപ്പിച്ച ഭക്ഷണങ്ങൾ: തൈര് പോലെയുള്ള പുളിപ്പിച്ച ഭക്ഷണങ്ങളിൽ പ്രോബയോട്ടിക്കുകൾ അടങ്ങിയിട്ടുണ്ട്. ഇത് ദഹനം മെച്ചപ്പെടുത്താനും രോഗപ്രതിരോധശേഷി വർദ്ധിപ്പിക്കാനും വീക്കം കുറയ്ക്കാനും സഹായിക്കും. പുളിപ്പിച്ച ഭക്ഷണങ്ങൾ പതിവായി കഴിക്കുന്നത് സമ്മർദ്ദവും ഉത്കണ്ഠയും കുറയ്ക്കുന്നതിലൂടെ മാനസികാരോഗ്യം മെച്ചപ്പെടുത്താൻ സഹായിക്കും. 

ഗ്രീൻ ടീ: ഗ്രീൻ ടീയിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് വീക്കം കുറയ്ക്കാനും വൈജ്ഞാനിക പ്രവർത്തനം വർദ്ധിപ്പിക്കാനും സഹായിക്കും. പതിവായി ഗ്രീൻ ടീ കുടിക്കുന്നത് വിട്ടുമാറാത്ത രോഗങ്ങൾ തടയാനും ശരീരഭാരം കുറയ്ക്കാനും നല്ലതാണ്.

ഡാർക്ക് ചോക്ലേറ്റ്: ആന്റിഓക്‌സിഡന്റുകളും ഫ്‌ളെവനോയിഡുകളും ധാരാളമായി അടങ്ങിയിട്ടുള്ളവയാണ് ഡാർക്ക് ചോക്ലേറ്റ്. ഇത് വീക്കം കുറയ്ക്കാനും തലച്ചോറിന്റെ പ്രവർത്തനം മെച്ചപ്പെടുത്താനും സഹായിക്കും. പതിവായി ഡാർക്ക് ചോക്ലേറ്റ് കഴിക്കുന്നത് മാനസികാവസ്ഥ മെച്ചപ്പെടുത്താനും സമ്മർദ്ദം കുറയ്ക്കാനും നല്ലതാണ്.

ഈ വാര്‍ത്ത കൂടി വായിക്കൂ

കെച്ചപ്പ് ഇഷ്ടമാണോ? ഉപ്പും പഞ്ചസാരയുമെല്ലാം ഉയര്‍ന്ന അളവില്‍, ആരോഗ്യത്തിന് നല്ലതല്ല 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ