സമകാലിക മലയാളം വെബ് പോര്‍ട്ടല്‍ മുഖ്യമന്ത്രി പിണറായി വിജയന്‍ തിരുവനന്തപുരത്ത് ഉദ്ഘാടനം ചെയ്തു. ദി ന്യൂ ഇന്ത്യന്‍ എക്‌സ്പ്രസ് ഗ്രൂപ്പ് മലയാളം ഓണ്‍ലൈന്‍ വാര്‍ത്താ രംഗത്ത് ആരംഭിക്കുന്ന സംരംഭമാണ് ഇത്. പതിറ്റാണ്ടുകളായി കേരളത്തിലെ വാര്‍ത്താ മണ്ഡലത്തിലെ ചിരപ്രതിഷ്ഠിത സാന്നിധ്യമായ ദി ന്യൂ ഇന്ത്യന്‍ എക്‌സ്പ്രസ് സമകാലിക മലയാളം വാരികയ്ക്കു ശേഷം മലയാളത്തില്‍ ആരംഭിക്കുന്ന സംരംഭമാണിത്. ദി ന്യൂ ഇന്ത്യന്‍ എക്‌സ്പ്രസ് കേരളാ ജനറല്‍ മാനേജര്‍ പി. സുരേഷ് കുമാര്‍, സമകാലിക മലയാളം വാരിക എഡിറ്റര്‍ സജി ജെയിംസ് തുടങ്ങിയവര്‍ ചടങ്ങില്‍ പങ്കെടുത്തു.