ന്യൂഡല്‍ഹി: മുന്‍ വര്‍ഷങ്ങളെ അപേക്ഷിച്ച് അന്റാര്‍ട്ടിക്ക കൂടുതല്‍ ഹരിതാഭമാകുന്നതായി പഠന റിപ്പോര്‍ട്ട്. കഴിഞ്ഞ 30 വര്‍ഷങ്ങളെ അപേക്ഷിച്ച് സമീപ വര്‍ഷങ്ങളില്‍ ഈ പ്രവണത 30 ശതമാനം വര്‍ധിച്ചെന്നും പഠനത്തില്‍ പറയുന്നു.
1986 നും 2021 നും ഇടയില്‍ അന്റാര്‍ട്ടിക്ക് ഉപദ്വീപിലുടനീളം സസ്യജാലങ്ങള്‍ പതിന്മടങ്ങ് വര്‍ദ്ധിച്ചതായാണ് യുകെയിലെ എക്സെറ്റര്‍ സര്‍വകലാശാലയിലെ ഗവേഷകരുടെ കണ്ടെത്തല്‍. ഉപഗ്രഹ ഡേറ്റ ഉപയോഗപ്പെടുത്തിയാണ് അന്റാര്‍ട്ടിക് ഉപദ്വീപിന്റെ 'ഗ്രീന്‍ റേറ്റ്' ഗണ്‍വഷകര്‍ കണക്കാക്കിയത്.
2016-2021 കാലയളവില്‍ സസ്യങ്ങളുടെ വളര്‍ച്ച അന്റാര്‍ട്ടിക്കയിലെ കടല്‍-ഐസ് വിസ്തൃതിയില്‍ ഗണ്യമായ കുറവുണ്ടായതായും നേച്ചര്‍ ജിയോസയന്‍സ് ജേണലില്‍ പ്രസിദ്ധീകരിച്ച പഠനത്തില്‍ പറയുന്നു. അന്റാര്‍ട്ടിക്ക ഉപദ്വീപിലുടനീളം വ്യാപകമായ ഹരിതവല്‍ക്കരണം നടക്കുന്നുവെന്നും ഇത് വളരെ വേഗത്തിലാണെന്നും പഠനം റിപ്പോര്‍ട്ട് പറയുന്നു.
'അന്റാര്‍ട്ടിക്കയില്‍ കണ്ടെത്തിയ സസ്യങ്ങള്‍ഭൂരിഭാഗം പായലുകളും ഒരുപക്ഷേ ഭൂമിയിലെ ഏറ്റവും കഠിനമായ സാഹചര്യത്തിലാണ് വളരുന്നത്. ഭൂപ്രകൃതിയുടെ ഒരു ചെറിയ ഭാഗം മാത്രം പ്രധാനമായും ആധിപത്യം പുലര്‍ത്തുന്നു. മഞ്ഞ്, ഐസ്,പാറ എന്നിവ സസ്യജാലങ്ങളാല്‍ കോളനിവല്‍ക്കരിക്കപ്പെടുന്നതായും' ഗവേഷകമായ തോമസ് റോളണ്ട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates