പച്ചപ്പുല്ലും പാറക്കെട്ടുകളും നിറഞ്ഞ, കടലിലേക്ക് വ്യാപിച്ചുകിടക്കുന്ന, സ്കോട്ട്ലൻഡിലെ അതിമനോഹരമായ ബാർലോകോ ദ്വീപ് വിൽപ്പനയ്ക്ക്. സ്കോട്ട്ലൻഡിന്റെ തെക്കൻ തീരത്ത് സ്ഥിതി ചെയ്യുന്ന ജനവാസമില്ലാത്ത ഈ ദ്വീപ് 190,000 ഡോളറിന് (ഏകദേശം ₹1.5 കോടി രൂപയ്ക്ക്) വിൽപ്പനയ്‌ക്കെത്തിയിക്കുന്നെന്നാണ് സിഎൻഎൻ റിപ്പോർട്ട്. ലണ്ടനും എഡിൻബർഗും ഈ ദ്വീപിൽ നിന്ന് യഥാക്രമം 350, 100 മൈലുകൾ അകലെയാണ്.

സ്കോട്ട്ലൻഡിലെ ഈ മനോഹര ദ്വീപ് സ്വന്തമാക്കുന്നതിനോട് വളരെ റൊമാന്റിക് ആയ ആ​ഗ്രഹം ഇപ്പോഴും ഉണ്ട്. ജീവിതത്തിലെ തിരക്കുകളിൽ നിന്നെല്ലാം മാറി സമാധാനത്തോടെയിരുന്നു പ്രകൃതിയുടെ മാസ്മരികത ആസ്വദിക്കാൻ ഇവിടെ സാധിക്കും, ദ്വീപിന്റെ വിൽപ്പനയുടെ ചുമതലയുള്ള ​ഗാൽബ്രൈത്ത് ​ഗ്രൂപ്പിന്റെ ആരോൺ എഡ്​ഗാർ പറഞ്ഞു. 

25 ഏക്കറോളം വിസ്തൃതിയുള്ള ഈ ദ്വീപിലെ കാഴ്ച്ചകൾ ആരെയും വിസ്മയിപ്പിക്കുന്നതാണ്. അപൂർവയിനം ജന്തു-സസ്യജാലങ്ങളുടെ ആവാസ കേന്ദ്രം കൂടിയാണ് ബാർലോകോ ദ്വീപ്. കടൽപ്പക്ഷികളുടെ സാന്നിദ്ധ്യവും ഇവിടെ കൂടുതലാണ്. ഇവിടെനിന്ന് ഏറ്റവും അടുത്തുള്ള ടൗണിലേക്ക് എത്തണമെങ്കിൽ ഏകദേശം ആറ് മൈൽ സഞ്ചരിക്കണം. റോഡ് മാർഗം അടുത്തുള്ള റെയിൽവേ സ്റ്റേഷനിൽ എത്താൻ ഒരു മണിക്കൂർ സമയമെടുക്കും.

ഈ വാർത്ത കൂടി വായിക്കൂ 

സിനിമ സ്റ്റൈലിൽ വിവാഹ മോതിരവുമായി വേദിയിലേക്ക് കാറോടിച്ച് വരുന്ന പൂച്ച; വൈറൽ വീഡിയോ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ