ഐസ്‌ക്രീം പാനി പൂരി മുതല്‍ ഫാന്റാ മാഗി, ചോക്ലേറ്റ് ഓംലറ്റ് എന്നിങ്ങനെ നീളുന്ന കോമ്പിനേഷനില്‍ ഇതാ ഒരു പുതിയ കോമ്പോ കൂടി എത്തിയിരിക്കുന്നു. മലേഷ്യയിലെ ഒരു റെസ്‌റ്റോറന്റില്‍ റാമെൻ നൂഡില്‍സിനൊപ്പം ക്രോസന്റ് ചേര്‍ത്ത് വിളമ്പുന്നതാണ് പുതിയ ഇനം. സാധാരണ ജാം, ചോക്ലേറ്റ് എന്നിവയ്‌ക്കൊപ്പമാണ് ക്രോസന്റ് ചേര്‍ക്കുന്നതെങ്കില്‍ ഇവിടെ നൂഡില്‍സിനൊപ്പമാണ് ഇത് വിളമ്പിയിരിക്കുന്നത്. 

ബ്ലാക്ക് ഗാര്‍ലിക്ക് കറി സൂപ്പും രണ്ട് കഷ്ണം ചാസുവും (പന്നിയുടെ വയറ് ഭാഗത്തെ ഇറച്ചി) ബ്രൗണ്‍ ഷിമെന്‍ജി മഷ്‌റൂം, ബീന്‍സ്, കാബേജ്, മുട്ട എന്നിവ കൊണ്ട് തയ്യാറാക്കിയ ബൗളില്‍ നടുക്കായി ക്രോസന്റ് വച്ചിട്ടുണ്ട്. പക്ഷെ ഇത് രണ്ടും കൂടിയുള്ള കോമ്പിനേഷന്‍ അത്ര വിജയിച്ചില്ലെന്നാണ് കമന്റ് ബോക്‌സില്‍ നിന്ന് മനസ്സിലാകുന്നത്. 

ക്രോസന്റു റാമെൻ നൂഡില്‍സും കണ്ട് അമ്പരന്നാണ് പലരും കമന്റ് ബോക്‌സില്‍ പ്രതികരിച്ചിരിക്കുന്നത്. ചിലര്‍ ഈ റെസ്റ്റോറന്റ് തന്നെ ബോയ്‌ക്കോട്ട് ചെയ്യുമെന്നാണ് പറയുന്നത്. എന്തിനാണ് ആളുകളെ ഇങ്ങനെ കളിയാക്കുന്നതെന്നും മര്യാദയ്ക്കുള്ള ഭക്ഷണം വിളമ്പുന്നതാണ് നല്ലതെന്നുമാണ് ഇവര്‍ പറയുന്നത്. 

ഈ വാര്‍ത്ത കൂടി വായിക്കൂ 

'ഇതെന്തൊരു ചൂടാ!';ചായയും കാപ്പിയും നിര്‍ത്താം, പകരം ഇളനീരും സംഭാരവും; ഇക്കാര്യങ്ങള്‍ ശ്രദ്ധിക്കാം 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ