കേക്കിൽ ഓരോ ദിവസവും പുത്തൻ പരീക്ഷണങ്ങളാണ് നടക്കുന്നത്. രുചികളിൽ മാത്രമല്ല ആകൃതികളിലും ഈ പരീക്ഷണം മുന്നേറുകയാണ്. മുമ്പ് പൂവും പഴങ്ങളുമൊക്കെയാണ് കേക്കിൽ വിരിഞ്ഞിരുന്നതെങ്കിൽ ഇപ്പോൾ പല തീമുകളിലുള്ള കേക്കുകൾ സുലഭമാണ്. എന്നാലിപ്പോൾ അത്ര പ്രതീക്ഷിക്കാത്ത ഒരു കേക്ക് ഷേപ്പാണ് ഇൻസ്റ്റ​ഗ്രാമിൽ വൈറലാകുന്നത്. 

പാത്രം വൃത്തിയാക്കാൻ ഉപയോഗിക്കുന്ന ഡിഷ് സ്‌പോഞ്ചിന്റെ മാതൃകയിൽ തയ്യാറാക്കിയതാണ് ഈ കേക്ക്. പെട്ടെന്ന് കാണുമ്പോൾ ഇത് ഡിഷ് സ്‌പോഞ്ച് തന്നെയാണെന്ന് തെറ്റിദ്ധരിച്ചാലും കുറ്റം പറയാനാകില്ല. ഒരു ഫോർക്ക് ഉപയോ​ഗിച്ച് ഇത് മുറിക്കുന്നതും വിഡിയോയിൽ കാണാം. ഫുഡ് ബ്‌ളോഗറായ ആൻഡ്രി സാർവോണോ ആണ് കേക്ക് രുചിച്ചുനോക്കിയത്. കാഴ്ചയിൽ യഥാർത്ഥ ഡിഷ് സ്‌പോഞ്ച് പോലെയാണിതെന്നും എന്നാൽ ഏറെ രുചികരണമാണെന്നുമാണ് അദ്ദേഹത്തിന്റെ അഭിപ്രായം. 

എന്നാൽ ഇങ്ങനൊരു കേക്ക് കഴിക്കാൻ പറ്റില്ലെന്നാണ് കമന്റിൽ പലരും കുറിച്ചിരിക്കുന്നത്. ഇത് കണ്ടിട്ട് കഴിക്കാൻ തോന്നുന്നില്ലെെന്നും കഴിവിനെ ആദരിക്കുന്നു പക്ഷെ ഇത് കഴിക്കില്ലെന്നുമൊക്കെയാണ് കമന്റുകൾ. 

ഈ വാര്‍ത്ത കൂടി വായിക്കൂ 

ബ്രെഡ് ഇല്ലാതെയും സാന്‍ഡ്‌വിച്ച്! ഞൊടിയിടയില്‍ ഉണ്ടാക്കാന്‍ കിടിലന്‍ റെസിപ്പി 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ