മനുഷ്യരുമായി വളരെ അധികം അടുപ്പമുള്ള മൃ​ഗമാണ് നായ. മനുഷ്യരും നായകളും തമ്മിലുള്ള സ്നേഹബന്ധങ്ങളുടെ ഹൃദയം കവരുന്ന കാഴ്ചകൾ സോഷ്യൽമീഡിയയിൽ ഇടയ്ക്ക് വൈറലാകാറുമുണ്ട്. അത്തരത്തിൽ ഹൃദയസ്പർശിയായ ഒരു കാഴ്ചയാണ് വീണ്ടും സോഷ്യൽമീഡിയയുടെ മനം കവരുന്നത്.

റോഡിൽ ട്രാഫിക് നിയന്ത്രിക്കുന്ന പൊലീസ് ഉദ്യോ​ഗസ്ഥന്റെ ശ്രദ്ധ പിടിച്ചുപറ്റാന്‍ പെടാപ്പാട് പെടുന്ന ഒരു തെരുവുനായയാണ് ദൃശ്യങ്ങളിൽ. ഉദ്യോ​​ഗസ്ഥൻ തന്റെ ജോലി ചെയ്യുന്നതിനിടെ അദ്ദേഹത്തിന് ചുറ്റും ഓടിയും ചാടിയുമാണ് നായയുടെ പ്രകടനം. എന്നിട്ടും ഉദ്യാ​ഗസ്ഥൻ ശ്രദ്ധിക്കുന്നില്ലെന്ന് വരുമ്പോൾ മാറി നിന്ന് ഉയരത്തിൽ ചാടി പൊങ്ങുക വരെ ചെയ്‌തു. നായയുടെ സ്നേഹപ്രകടനം യാത്രക്കാർക്കും കൗതുകമായി.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഇട്‌യ്ക്ക് അടങ്ങിയിരിക്കാൻ നായയോട് ഉദ്യോ​ഗസ്ഥൻ ആം​ഗ്യം കാണിക്കുന്നുണ്ടെങ്കിലും അത് ഉദ്യോ​ഗസ്ഥന് ചുറ്റും ഓട്ടം തുടർന്നു. പിന്നീട് റോഡിന് സൈഡിലേക്ക് ഉദ്യോ​ഗസ്ഥൻ നടക്കുമ്പോൾ അദ്ദേഹത്തിന്റെ പിന്നാലെ അനുസരയോടെ നായയും അദ്ദേഹത്തെ അനു​ഗമിക്കുന്നുണ്ട്. ഇൻസ്റ്റ​ഗ്രാമിലൂടെ പങ്കുവെച്ച വിഡിയോ ഇതിനോടകം ദശലക്ഷക്കണക്കിന് ആളുകളാണ് കണ്ടത്. നായയും പൊലീസ് ഉദ്യോ​ഗസ്ഥനും തമ്മിലുള്ള സ്നേഹബന്ധത്തെ പ്രശംസിച്ച് നിരവധി ആളുകൾ കമന്റ് ചെയ്‌തു.