ജീവിതത്തിൽ ഒരുപാട് ടെൻഷൻ പിടിമുറുക്കമ്പോൾ ചിലപ്പോഴെങ്കിലും കലാപരമായ കഴിവുകളിൽ ആശ്രയിക്കുന്നത് ഗുണം ചെയ്യും. മറ്റെല്ലാം വിപരീതഫലം തരുമ്പോഴും നമ്മുടെ ഉള്ളിലെ സർഗ്ഗവാസനകൾ പുറത്തെടുക്കുമ്പോഴുള്ള ആനന്ദം ആശ്വാസം പകരുന്നതാണ്. നിങ്ങളുടെ ഉള്ളിലെ ഇത്തരം കഴിവുകളെ പുറത്തെടുക്കാൻ ചില വഴികളുണ്ട്.

►നിങ്ങളുടെ സർഗ്ഗാത്മഗതയെ പുറത്തെടുക്കാനുള്ള ആദ്യ പടി അതിനായി സമയം നീക്കിവയ്ക്കുക എന്നതുതന്നെയാണ്. ദിവസത്തിലോ അതല്ലെങ്കിൽ ആഴ്ചയിൽ ഒരിക്കലെങ്കിലോ ഇതിനായി സമയം കണ്ടെത്തണം. എഴുത്ത്, വര, പെയിന്റിങ് അങ്ങനെ എന്തുമാകട്ടെ സ്ഥിരമായി ഒരു സമയക്രമം അതിനായി മാറ്റിവച്ച് ഒരു ചിട്ടയുണ്ടാക്കിയെടുക്കുന്നത് അതൊരു ശീലമാക്കി മാറ്റാൻ സഹായിക്കും. 

►പുതിയ കാര്യങ്ങൾ ചെയ്യാനും വ്യത്യസ്ത മാർഗ്ഗങ്ങളും വഴികളും പരീക്ഷിക്കാനും പേടിക്കണ്ട. പുതിയ കാര്യങ്ങൾ ചെയ്യുന്നത് പുതിയ രീതിയിൽ ചിന്തിക്കാനും കംഫോർട്ട് സോണിന് പുറത്തുകടക്കാൻ സ്വയം പ്രേരിപ്പിക്കാനും സഹായിക്കും. 

►എപ്പോഴും നിങ്ങളെ പ്രചോദിപ്പിക്കുന്ന ചുറ്റുപാടുകളിൽ ആയിരിക്കാൻ ശ്രദ്ധിക്കണം. പ്രകൃതി, സംഗീതം, കല, പുസ്തകങ്ങൾ അങ്ങനെ എന്തുമാകാം. പ്രോത്സാഹനം തരുന്ന ഒരു അന്തരീക്ഷമാണെങ്കിൽ നിങ്ങളുടെ സർഗ്ഗാത്മഗത ഉണരുകയും എന്തെങ്കിലും പുതിയത് സൃഷ്ടിക്കാൻ ഉത്സാഹമുണ്ടാകുകയും ചെയ്യും. 

►സർഗ്ഗാത്മഗത ഒരു പ്രക്രിയ ആണെന്ന കാര്യം എപ്പോഴും മനസ്സിലുണ്ടാകണം. നിങ്ങളുടെ എല്ലാ ആശയങ്ങളും ശ്രേഷ്ഠമാകണമെന്നില്ല. നിങ്ങൾ ചെയ്ത കാര്യത്തിൽ സന്തോഷവും സംതൃപ്തിയും തോന്നിയില്ലെങ്കിലും സ്വയം സമ്മർദ്ദത്തിലേക്ക് പോകരുത്. തെറ്റുകൾ വരുത്താനും അതിൽ നിന്ന് പഠിക്കാനും നിങ്ങളെ തന്നെ അനുവദിക്കണം. 

►മറ്റുള്ളവർക്കൊപ്പം ചേർന്ന് അവരുടെ ആശയങ്ങൾ ഉൾപ്പെടുത്തി പ്രവർത്തിക്കുന്നത് പലപ്പോഴും അപ്രതീക്ഷിത ഫലം നൽകും. നിങ്ങളേക്കാൾ വ്യത്യസ്ത കഴിവുകൾ ഉള്ള ആൾക്കൊപ്പം ചേർന്ന് രണ്ടുപേരുടെയും ആശയങ്ങൾ ചേർത്ത് ഒരു സൃഷ്ടിക്ക് രൂപം നൽകുന്നത് പുതിയ ആശയങ്ങളും വ്യത്യസ്ത കാഴ്ച്ചപ്പാടുകളും സമ്മാനിക്കും.

ഈ വാര്‍ത്ത കൂടി വായിക്കൂ 

ഓൺലൈൻ റിലേഷൻഷിപ്പ് അത്ര എളുപ്പമല്ല, കൂടുതൽ സമയവും ക്ഷമയും വേണം;ഇതാ 7 ഡിജിറ്റൽ ഡേറ്റിങ് ടിപ്സ് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ