വിചിത്രമായ പല കാര്യങ്ങളും സോഷ്യല്മീഡിയയില് വൈറലാകാറുണ്ട്. ഇപ്പോഴിതാ ചെന്നൈ വിമാനത്താവളത്തിൽ നിന്നുള്ള ഒരു കാഴ്ചയാണ് സോഷ്യല്മീഡിയയില് വലിയ ചര്ച്ചയ്ക്ക് വഴിയൊരുക്കിയിരിക്കുന്നത്.
വിമാനത്താവളത്തില് അന്താരാഷ്ട്ര ബ്രാന്ഡുകളുടെ സ്റ്റോറുകള്ക്കിടയില് ഇടം പിടിച്ചിരിക്കുകയാണ് ഒരു മാട്രിമോണിയില് ഓഫീസ്. മാട്രിമോണിയല് ഏജന്സിക്കെന്താണ് ഇവിടെ കാര്യം എന്നാണ് സോഷ്യല്മീഡിയയുടെ സംശയം. ആര്സണ് എന്ന എക്സ് ഉപഭോക്താവ് പങ്കുവെച്ച ചിത്രവും അതിനൊപ്പമുള്ള കുറിപ്പും ഇപ്പോൾ സോഷ്യൽമീഡിയ ഏറ്റെടുത്തിരിക്കുകയാണ്.
'വിമാനത്താവളത്തില് അടിയന്തര സാഹചര്യങ്ങളില് ആശ്രയിക്കാന് ഒരു ഫാര്മസിയില്ല, പകരം ഞാന് ഇവിടെ കണ്ടെത്തിയത് എന്താണെന്ന് നോക്കൂ'- എന്ന കുറിപ്പോടെയാണ് മാട്രിമോണിയല് ഏജന്സിയുടെ ചിത്രം എക്സിൽ പങ്കുവെച്ചിരിക്കുന്നത്.
നിരവധി ആളുകളാണ് പോസ്റ്റിന് താഴെ രസകരമായ കമന്റുകളുമായി എത്തിയത്. 'വിമാനത്താവളത്തില് വിശ്രമിക്കുന്നതിനിടെ രണ്ടു മണിക്കൂര് കൊണ്ട് ഒരു ജീവിത പങ്കാളിയെ കണ്ടെത്താം എന്ന് കരുതുന്നവരെ ലക്ഷ്യമിട്ടാണ് ഈ മാട്രിമോണി' എന്നായിരുന്നു ഒരാളുടെ കമന്റ്. 'മറ്റെന്തിനെക്കാളും വിവാഹത്തിനാണ് മുന്ഗണന' എന്നായിരുന്നു മറ്റൊരാളുടെ കമന്റ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates