ക്യാന്‍സര്‍ വന്നിട്ടും തളരാതെ മുന്നോട്ടു പോകുന്നുവെന്ന വിവരം പങ്കുവെച്ച് ജോസ് കെ മാണിയുടെ ഭാര്യ നിഷ ജോസ്. സമൂഹ മാധ്യമത്തിലൂടെയാണ് തനിക്ക് സ്തനാര്‍ബുദം ബാധിച്ച വിവരം നിഷ പങ്കുവെച്ചത്. രോഗ ലക്ഷണങ്ങള്‍ ഒന്നും ഉണ്ടായിരുന്നില്ലെന്നും മാമോഗ്രാം ചെയ്തപ്പോഴാണ് കണ്ടുപിടിച്ചതെന്നും നിഷ പറയുന്നു. 

2023 ഒക്ടോബര്‍ 23നാണ് മാമോഗ്രാം ചെയ്തപ്പോഴാണ് കണ്ടെത്തിയതെന്നും ഇതിന്റെ പ്രാധാന്യം എന്തെന്നും നിഷ വീഡിയോയില്‍ പറയുന്നുണ്ട്. കുടുംബത്തിന്റെ പിന്തുണയും ഉള്ളിലുള്ള ശക്തിയുമാണ് ക്യാന്‍സറിനെ പ്രതിരോധിക്കാനുള്ള പ്രചോദനമെന്ന് നിഷ ജോസ്. ഭര്‍ത്താവ് ജോസ് കെ മാണി എപ്പോഴും കൂടെയുണ്ടായിരുന്നു. ക്യാന്‍സറിനെ കീഴടക്കിയിട്ട് ഇനി ബാക്കി കാര്യമുള്ളൂ എന്നും നിഷ പറയുന്നു.

എല്ലാവര്‍ഷവും മാമോഗ്രാം ചെയ്യാറാറുണ്ടായിരുന്നു. അങ്ങനെ ഒക്ടോബറില്‍ നടത്തിയ പരിശോധനയിലാണ് ക്യാന്‍സര്‍ തിരിച്ചറിയുന്നത്. ജീവിതത്തില്‍ രണ്ട് ഭാഗ്യമാണ് തനിക്ക് ലഭിച്ചത്. ഒന്ന് കുടുംബമാണ്. മറ്റൊന്ന് തനിക്ക് ഉള്ളിലുള്ള കരുത്താണെന്നും നിഷ പറയുന്നുണ്ട്. 

ആ സമയത്തെല്ലാം ഭര്‍ത്താവ് ജോസ് കെ മാണി തനിക്കൊപ്പമുണ്ടായിരുന്നു. കുട്ടികളും സഹോദരങ്ങളും വലിയ പിന്തുണ തന്നു. അത് ദൈവം തന്ന ഏറ്റവും വലിയ ഭാഗ്യമാണ്. 2013 മുതല്‍ ക്യാന്‍സര്‍ രോഗികളുടെ പുനരധിവാസവും ബോധവല്‍ക്കരണവും ഇവര്‍ നടത്തുന്നുണ്ടായിരുന്നു. 

ഈ വാര്‍ത്ത കൂടി വായിക്കൂ 

''പ്രേമം' എക്കാലത്തെയും പ്രിയപ്പെട്ട ചിത്രം; നിങ്ങളുടെ സിനിമകൾ ഞാൻ മിസ് ചെയ്യും'; സുധ കൊങ്കാര

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ