സോഷ്യല്‍ മീഡിയ തുറന്നാല്‍ ഒരു സെല്‍ഫിയെങ്കിലും കാണാത്ത ദിവസമുണ്ടാകില്ല എന്ന അവസ്ഥയാണിപ്പോള്‍. സെല്‍ഫിക്ക് അത്രമാത്രം പ്രചാരമാണ് ഇന്ന് ഡിജിറ്റല്‍ മീഡിയയില്‍. അതുകൊണ്ടുതന്ന സെല്‍ഫി ആളുകളിലുണ്ടാക്കുന്ന സ്വാധീനത്തെക്കുറിച്ച് പഠനം നടത്തിയിരിക്കുകയാണ് ഗവേഷകരിപ്പോള്‍. സെല്‍ഫി എടുക്കുമ്പോള്‍ ഫോട്ടോയില്‍ കൂടുതല്‍ മെലിഞ്ഞതായി കാണപ്പെടുമെന്നാണ് പഠനത്തിലെ കണ്ടെത്തല്‍. അതേസമയം ഇത് ആകര്‍ഷണീയത വര്‍ദ്ധിപ്പിക്കണമെന്നില്ലെന്നും ഗവേഷകര്‍ പറയുന്നു.
സെല്‍ഫി ഫോട്ടോകളില്‍ മറ്റ് ആംഗിളുകളില്‍ നിന്ന് പകര്‍ത്തുന്ന ചിത്രങ്ങളേക്കാള്‍ സ്ത്രീകളുടെ ശരീരം മെലിഞ്ഞതായി കാണപ്പെടുന്നു എന്നാണ് വിലയിരുത്തല്‍. 10 മോഡലുകളുടെ ഫോട്ടോകള്‍ വിലയിരുത്തിയാണ് പഠനം നടത്തിയത്. വ്യായാമവേഷം ധരിച്ചുള്ള ഇവരുടെ പല ആംഗിളുകളില്‍ നിന്നുള്ള ചിത്രങ്ങളാണ് തെരഞ്ഞെടുത്തത്. പഠനത്തില്‍ പങ്കെടുത്ത 272 ആളുകള്‍ ഈ ചിത്രങ്ങളെ റാങ്ക് ചെയ്തു. സെല്‍ഫി, ചിന്‍-ഡൗണ്‍, സ്‌ട്രെയിറ്റ് ഓണ്‍ എന്നീ മൂന്ന് ആംഗിളുകളിലാണ് ഫോട്ടോയെടുത്തത്. ഇതില്‍ സെല്‍ഫി ചിത്രങ്ങളിലാണ് മോഡലുകള്‍ ഏറ്റവും മെലിഞ്ഞതായി കാണപ്പെട്ടതെന്നായിരുന്നു കണ്ടെത്തല്‍.
സോഷ്യല്‍ മീഡിയ ഉപയോഗവും ശരീരത്തെക്കുറിച്ചുള്ള സംതൃപ്തിയും തമ്മിലുള്ള ബന്ധം ചൂണ്ടിക്കാണിക്കുന്നതാണ് പഠനം. ക്രമരഹിതമായ ഭക്ഷണശീലമുള്ള ആളുകള്‍ സെല്‍ഫി ചിത്രങ്ങള്‍ക്ക് അനുകൂലമായി തീരുമാനമെടുക്കുന്ന സാഹചര്യമാണുണ്ടായത്. ഇത്തരം ആളുകള്‍ സെല്‍ഫി ഫോട്ടോകള്‍ കാണുന്നത് കൂടുതല്‍ ദോഷകരമായിരിക്കുമെന്നാണ് വിലയിരുത്തല്‍. ഏത് ആംഗിളില്‍ ഫോട്ടോ എടുക്കുന്നു എന്നത് നിങ്ങളുടെ അപ്പിയറന്‍സിനെ കാര്യമായി സ്വാധീനിക്കും. എന്നാല്‍ ഫില്‍റ്റര്‍ ഒന്നും ഉപയോഗിക്കാത്ത സെല്‍ഫി പോലും യഥാര്‍ത്ഥ ജീവിതത്തിന്റെ തനിപകര്‍പ്പായിരിക്കണമെന്നില്ല.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates