മൃഗങ്ങൾക്കൊപ്പമുള്ള വിഡിയോകൾ സോഷ്യൽ മീഡിയയിൽ വൈറലാകുന്നത് ഇപ്പോൾ പതിവാണ്. ചിലത് ആശ്ചര്യത്തോടെയും അത്ഭുതത്തോടെയുമൊക്കെ നമ്മൾ കണ്ടിരിക്കുമെങ്കിൽ മറ്റുചിലത് ഉള്ളിൽ ഒരു പേടിയോടെയായിരിക്കും കണ്ടു തീർക്കുക. അത്തരത്തിലൊരു വിഡിയോയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. 

ഒരു വളർത്തു മൃഗത്തെ ലാളിക്കുന്ന ലാഘവത്തോടെ സിംഹത്തെ ഓമനിക്കുന്ന ഒരു യുവതിയുടെ വിഡിയോയാണ് ഇത്. യുവതിയുടെ മുഖത്ത് യാതൊരുവിധ ഭയവും ഇല്ല. സിംഹത്തെ യുവതി തലോടുന്നതാണ് വിഡിയോയിൽ കാണാനാകുക. സിംഹത്തിന്റെ കഴുത്തിൽ ചങ്ങലയുണ്ടെങ്കിലും തൊട്ടടുത്തു നിന്നാണ് യുവതിയുടെ സ്നേഹപ്രകടനം. തൊട്ടടുത്തു തന്നെ മറ്റൊരു സിംഹത്തെയും കാണാം. 

ഇൻസ്റ്റ​ഗ്രാമിൽ പങ്കുവച്ചിരിക്കുന്ന വിഡിയോ ശ്രദ്ധനേടിയതിന് പിന്നാലെ നിരവധിപ്പേരാണ് കമന്റുകൾ കുറിച്ചിരിക്കുന്നത്. ചിലർ യുവതിയുടെ ധൈര്യത്തെ പുകഴ്ത്തുമ്പോൾ മറ്റുചിലർ‌ ഇത്തരം പ്രവർത്തികൾ ചെയ്യുന്നവർക്കെതിരെ കേസെടുക്കണം എന്ന അഭിപ്രായക്കാരാണ്. എന്തിനാണ് ഇത്രയും സാഹസികത കാണിക്കുന്നതെന്നാണ് ഇക്കൂട്ടർ ചോദിക്കുന്നത്. 

ഈ വാര്‍ത്ത കൂടി വായിക്കൂ 

വീട്ടില്‍ അരുമയായി വളര്‍ത്തിയത് കൂറ്റന്‍ പെരുമ്പാമ്പിനെ; യുവതിക്ക് സംഭവിച്ചത് - വീഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ