മനുഷ്യരെപ്പോലെ തന്നെ കൗതുകം ഏറെയുള്ള ജീവികളിലൊന്നാണ് പൂച്ചകൾ. ഏതൊരു വസ്തുവിനെ കണ്ടാലും ഒന്നു പരിശോധിക്കുന്നത് അവയുടെ സ്വഭാവസവിശേഷതയാണ്. ജീവനുള്ളവയാണെങ്കിൽ പറയുകയും വേണ്ട. പല്ലിയും പാറ്റയും എന്നുവേണ്ട പാമ്പിനെ വരെ ഇവർ വെറുതെ വിടില്ല.

കരയിൽ വിശ്രമിക്കുകയായിരുന്ന ഒരു ആമയും പൂച്ചയുമായുള്ള ദൃശ്യങ്ങളാണ് ഇപ്പോൾ നവമാധ്യമങ്ങളിൽ വൈറലായിട്ടുള്ളത്. റഷ്യയിലെ സോഷിൽ നിന്നുള്ളതാണ്  ദൃശ്യങ്ങൾ. കുളക്കരയിൽ ഇരിക്കുകയായിരുന്ന ആമയെ പിന്നിലൂടെയെത്തി, തട്ടിത്തട്ടി കുളത്തിന്റെ വക്കത്തെത്തിക്കുകയും പിന്നീട് വെള്ളത്തിലേക്ക് തള്ളിയിടുകയുമാണ് പൂച്ച ചെയ്യുന്നത്.

ആന്റൺ ഫിയോക്കോവിസ്ക്കി എന്ന യുവാവാണ് വീടിനു സമീപത്തുള്ള കുളക്കരയിൽ നിന്നും മനോഹരമായ ഈ ദൃശ്യങ്ങൾ പകർത്തിയത്.