തമിഴ്‌നാട്ടിലെ രണ്ട് സ്വകാര്യ ബസുകള്‍ തമ്മിലുള്ള മത്സര ഓട്ടത്തിന്റെ വീഡിയോയാണ് സോഷ്യല്‍ മീഡിയയിലിപ്പോള്‍ വൈറലാകുന്നത്. കോയമ്പത്തൂര്‍-പൊള്ളാച്ചി ദേശീയ പാതയിലായിരുന്നു നിയമങ്ങള്‍ കാറ്റില്‍ പറത്തിയുള്ള ബസുകളുടെ മത്സര പാച്ചില്‍. 

മുന്നില്‍ പോകുന്ന ബസിനെ മറികടക്കുന്നതിനായി റോങ് സൈഡീലൂടെയും ബസ് പായിക്കുന്നത് വീഡിയോയില്‍ കാണാം. വീഡിയോ വൈറലായതോടെ അധികൃതരുടെ കണ്ണിലുമെത്തി. മത്സരയോട്ടം നടത്തിയ രണ്ട് ബസിന്റേയും ഡ്രൈവര്‍മാരുടെ ലൈസന്‍സ് റദ്ദാക്കിയിട്ടുമുണ്ട്. 

ബസുകള്‍ക്ക് പിന്നാലെ ബൈക്കില്‍ പിന്തുടര്‍ന്നവരാണ് മൊബൈലില്‍ മത്സരയോട്ടം പകര്‍ത്തിയത്.