റീഡിംഗ്: ഡബിള്‍ ഡെക്കര്‍ ബസ് ഇടിച്ചു തെറിപ്പിച്ചയാള്‍ കൂളായി എണീറ്റു നടക്കുന്ന വീഡിയോ സോഷ്യല്‍ മീഡിയയില്‍ വൈറലാകുന്നു. ഇംഗ്ലണ്ടിലെ റീഡിംഗിലാണ് സംഭവം. സിമോണ്‍ സ്മിത്ത് എന്നയാളെ നിയന്ത്രണം വിട്ട ഡബിള്‍ ഡെക്കര്‍ ബസ് വന്നു ഇടിച്ചു തെറിപ്പിക്കുന്നതാണ് സിസിടിവി ദൃശ്യങ്ങള്‍ കാണിക്കുന്നത്.

നിയന്ത്രണം വിട്ട ബസ് വന്നു ഇടിച്ചു തെറിപ്പിച്ചെങ്കിലും ആരുടെയും സഹായത്തിനു കാത്തിരിക്കാതെ സ്മിത്ത് കൂളായി എണീറ്റു നടന്നു. എന്തോ വലിയ ശബ്ദം പിന്നില്‍ നിന്ന് കേട്ടപ്പോള്‍ തിരിഞ്ഞു നോക്കുമ്പോഴേക്കും ബസ് വന്നു ഇടിക്കുകയായിരുന്നു. ഭാര്യയും കുട്ടികളും കൂടെയില്ലാത്തത് വലിയ ഭാഗ്യമായെന്ന് സ്മിത്ത് സംഭവത്തിനു ശേഷം വ്യക്തമാക്കി.

ഇടിയേറ്റു വീണതിന് ശേഷം സുരക്ഷിതമായ ഒരിടത്തേക്ക് മാറണമെന്നായിരുന്നു എന്റെ ചിന്ത. അതുകൊണ്ടാണ് ആരെയും കാത്തിരിക്കാതെ തൊട്ടടുത്ത പബ്ബിലേക്ക് കയറിയത്. മറ്റുള്ളവര്‍ക്ക് ഇതൊരു തമാശയായി തോന്നുമെന്നും സ്മിത്ത് വ്യക്തമാക്കി.

അതേസമയം, സിസിടിവി ദൃശ്യങ്ങള്‍ കാണുന്നതുവരെ തന്റെ പിറകില്‍ വന്നിടിച്ചത് ഡബിള്‍ ഡെക്കര്‍ ബസാണെന്ന് താന്‍ വിശ്വസിച്ചിരുന്നില്ലെന്നും സ്മിത്ത്.