വര്‍ക്കൗട്ട് ചെയ്യാതെ മുങ്ങാനും ഡയറ്റില്‍ കള്ളത്തരം കാണിക്കാനുമെല്ലാം ഏറെ എളുപ്പമാണ്. നിശ്ചയദാര്‍ഢ്യത്തോടെ ഡയറ്റ് എടുത്ത്, വ്യായാമം ചെയ്ത് വണ്ണം കുറയ്ക്കാനാണ് ഏറ്റവും പ്രയാസം. മിക്കവരും ആഴ്ചകളോളം ഡയറ്റെടുത്ത് ഒരു കഷ്ണം പൊരിച്ച മീനോ, ഒരു കപ്പ് ഐസ്‌ക്രീമോ അല്ലെങ്കില്‍ ഏതെങ്കിലും മുന്തിയ ഇനം വൈനോ കണ്ടാല്‍ എല്ലാം മറന്ന് ഡയറ്റ് നിര്‍ത്തുന്നവരാണ്. 

എന്നാല്‍ ഇതിനെയെല്ലാം മറികടന്ന് അവിശ്വസിനീയമായ രീതിയില്‍ ഇവിടെ ചിലര്‍ വണ്ണം കുറച്ചിരിക്കുകയാണ്. 200ഉം 300ഉം കിലോ ഭാരമുള്ള പൊണ്ണത്തടിക്കാരാണ് ആകസ്മികമായ രീതിയില്‍ വണ്ണം കുറച്ച്, കണ്ടാലറിയാത്ത വിധം മേക്കോവര്‍ നടത്തിയിട്ടുള്ളത്. 

'മൈ 600എല്‍ബി ലൈഫ്' എന്ന ടിവി സീരിസ് പരിപാടിയില്‍ പങ്കെടുത്ത 26 പേരുടെ ആഫ്റ്റര്‍ ബിഫോര്‍ ചിത്രങ്ങളാണ് ഇവിടെ പങ്കുവെച്ചിരിക്കുന്നത്. അമിതഭാരമുള്ളവര്‍ക്ക് വണ്ണം കുറയ്ക്കാനുള്ള ഈ ടിവി പ്രോഗ്രാമിന്റെ ആദ്യ സീരിസില്‍ നാല് ആളുകളാണ് പങ്കെടുത്തത്. പരിപാടിക്ക് കൂടുതല്‍ പ്രചാരം ലഭിച്ചതോടെ പിന്നെയും ആളുകള്‍ വരികയും ഇതിന്റെ സീരീസ് കൂട്ടുകയുമായിരുന്നു സംഘാടകര്‍.