ബംഗളൂരു: ഒരു പാമ്പിനെ മറ്റൊരു പാമ്പ് വിഴുങ്ങുന്ന ദൃശ്യങ്ങള്‍ വൈറലാകുന്നു. കര്‍ണാടകയിലെ ബംഗളൂരുവില്‍ നിന്നുളള ദൃശ്യങ്ങളാണ് വ്യാപകമായി പ്രചരിക്കുന്നത്.

റോഡിലൂടെ ഇഴഞ്ഞുനീങ്ങുകയാണ് എട്ടടി വീരന്‍ ഇനത്തില്‍പ്പെട്ട പാമ്പ്. അതിനിടെ, മുന്നില്‍ അകപ്പെട്ട അണലി വര്‍ഗത്തില്‍പ്പെട്ട പാമ്പിനെ എട്ടടിവീരന്‍ വീഴുങ്ങുന്നതാണ് ദൃശ്യങ്ങളിലുളളത്. എട്ടടിവീരനില്‍ നിന്ന് രക്ഷപ്പെടാന്‍ അണലി ശ്രമിക്കുന്നത് ദൃശ്യങ്ങളില്‍ കാണാം. എന്നാല്‍ ശ്രമം പരാജയപ്പെടുന്നതും അണലിയെ എട്ടടിവീരന്‍ വിഴുങ്ങുന്നിടത്ത് വീഡിയോ അവസാനിക്കും.