ആലപ്പുഴ: ആലപ്പുഴ ഇസാഫ് ബാങ്കിന് മുന്നിൽ കോൺഗ്രസിന്റെ നേതൃത്വത്തിൽ നടത്തിവന്ന സമരം ഒത്തുതീർന്നു. കളക്ടറുടെ മധ്യസ്ഥതയിൽ എഡി തോമസ് എംഎൽഎയും ബാങ്ക് ഉദ്യോഗസ്ഥരും തമ്മിൽ നടത്തിയ ചർച്ചയിൽ തുമ്പോളി സ്വദേശി വർഗീസിന്റെ 41 ലക്ഷം രൂപയുടെ വായ്പ എഴുതിത്തള്ളാൻ തീരുമാനമായി.
ബാങ്ക് ബോർഡ് യോഗം ചേർന്ന് വർഗീസിന്റെ തുടർചികിത്സയ്ക്കുള്ള സാമ്പത്തിക സഹായത്തിന്റെ കാര്യത്തിലും തീരുമാനമെടുക്കും. കളക്ടറുടെ നേതൃത്വത്തിലുള്ള ചർച്ചയിലെ തീരുമാനങ്ങളെ വർഗീസിന്റെ കുടുംബം പൂർണ്ണമായി സ്വാഗതം ചെയ്തു. ബാങ്കിന്റെ ഭാഗത്തുനിന്നുള്ള സമ്മർദ്ദത്തെയും ഭീഷണിയെയും തുടർന്ന് ഗുരുതരാവസ്ഥയിലായ വ്യാപാരിക്ക് നീതി ലഭിക്കണമെന്ന ആവശ്യപ്പെട്ടായിരുന്നു കോൺഗ്രസ് നേതൃത്വത്തിൽ സമരം സംഘടിപ്പിച്ചത്. നിലവിൽ വർഗീസ് അതീവ ഗുരുതരാവസ്ഥയിൽ ചികിത്സയിൽ തുടരുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates