കണ്ണൂർ: ഒൻപതാം ക്ലാസ് വിദ്യാർത്ഥിയായ ആൺകുട്ടിയെ പ്രകൃതിവിരുദ്ധ പീഡനത്തിനിരയാക്കിയ കേസിൽ റിട്ട. എസ്‌ഐ അബ്ദുൾ മജീദിന് ശിക്ഷ വിധിച്ചു. പ്രതിക്ക് അഞ്ച് വർഷം കഠിനതടവും 20,000 രൂപ പിഴയുമാണ് ശിക്ഷ. കണ്ണൂർ ഫാസ്റ്റ് ട്രാക്ക് സ്പെഷൽ കോടതി ജഡ്ജി എം.ടി. ജലജാറാണിയാണ് ശിക്ഷ വിധിച്ചത്.

കണ്ണൂർ തളാപ്പ് സ്വദേശിയാണ് അബ്ദുൾ മജീദ് (66). വളപട്ടണം എസ്‌ഐ ടി.എം. വിപിനാണ് കേസ് അന്വേഷിച്ചത്. പ്രോസിക്യൂഷനുവേണ്ടി സ്പെഷൽ പബ്ലിക് പ്രോസിക്യൂട്ടർ കെ.പി. പ്രീതാ കുമാരി ഹാജരായി. സമാനമായ മറ്റൊരു പോക്സോ കേസിൽ 20 വർഷം തടവിന് ശിക്ഷിക്കപ്പെട്ട് പ്രതി നിലവിൽ ജയിലിലാണ്. ഇതിനിടെയാണ് മറ്റൊരു കേസിൽ കൂടി ഇയാൾക്ക് ശിക്ഷ ലഭിച്ചത്.