Police പ്രതീകാത്മക ചിത്രം
Kozhikode

വീട്ടമ്മയോട് ലൈംഗികച്ചുവയോടെ സംസാരിച്ചു: വീടും കാറും അടിച്ചുതകർത്തു; സഹോദരങ്ങൾ അറസ്റ്റിൽ

കോടതിയിൽ ഹാജരാക്കിയ ഇരുവരെയും റിമാൻഡ് ചെയ്ത് ജുഡീഷ്യൽ കസ്റ്റഡിയിൽ വിട്ടു

Author : സമകാലിക മലയാളം ഡെസ്ക്
Edited By : Damodaran K

കോഴിക്കോട്: വീട്ടമ്മയോട് ലൈംഗികച്ചുവയോടെ സംസാരിക്കുകയും അധിക്ഷേപിക്കുകയും വീടും കാറും അടിച്ചുതകർക്കുകയും ചെയ്ത സംഭവത്തിൽ സഹോദരങ്ങൾ അറസ്റ്റിൽ. ജിബിൻ ബാബു (31), എബിൻ ബാബു (25) എന്നിവരെയാണ് തിരുവമ്പാടി പൊലീസ് പിടികൂടിയത്. കോഴിക്കോട് കാരശേരിയിലാണ് ഈ സംഭവം.

കഴിഞ്ഞ ബുധനാഴ്ച രാത്രിയായിരുന്നു കേസിനാസ്പദമായ സംഭവം. നേരത്തെ ഈ വീടിന് സമീപം വാടകയ്ക്ക് താമസിച്ചിരുന്ന പ്രതികളുടെ മദ്യപാനവും ശല്യവും കാരണം പ്രദേശവാസികൾ പരാതി നൽകിയിരുന്നു. ഇതേത്തുടർന്ന് ഇവരെ വാടകവീട്ടിൽനിന്ന് ഒഴിപ്പിച്ചിരുന്നു. ഈ വിരോധത്തിലാണ് പ്രതികൾ ആക്രമണം അഴിച്ചുവിട്ടത്. രാത്രി വീട്ടിലെത്തിയ പ്രതികൾ വീട്ടമ്മയോട് ലൈംഗികച്ചുവയോടെ സംസാരിക്കുകയും അസഭ്യം പറയുകയും ചെയ്തു. തുടർന്ന് വീടിന്റെ മുൻവശത്ത് പാർക്ക് ചെയ്തിരുന്ന കാറും വീടിന്റെ ജനലുകളും അടിച്ചുതകർത്ത്നാശനഷ്ടങ്ങൾ വരുത്തുകയായിരുന്നു.

വീടുടമ നൽകിയ പരാതിയുടെ അടിസ്ഥാനത്തിൽ പൊലീസ് പ്രതികളെ ഉടൻതന്നെ പിടികൂടുകയായിരുന്നു. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്ത് ജുഡീഷ്യൽ കസ്റ്റഡിയിൽ വിട്ടു. സമാനമായ മറ്റൊരു കുറ്റകൃത്യവുമായി ബന്ധപ്പെട്ട് 2024-ലും ഈ സഹോദരങ്ങൾക്കെതിരെ തിരുവമ്പാടി പൊലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ടെന്ന് പൊലീസ് വ്യക്തമാക്കി.

Two brothers, Jibin Babu and Ebin Babu, have been arrested by the police in Karassery, Kozhikode, for allegedly speaking obscenely to a housewife, vandalizing her house and car due to a previous grudge, and facing prior criminal charges.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഞങ്ങൾ നിങ്ങളെ കണ്ടെത്തും'; മിനാബ് സ്‌കൂൾ ആക്രമണത്തിൽ 2 യുഎസ് നാവിക ഉദ്യോഗസ്ഥരെ പേരെടുത്ത് ഭീഷണിപ്പെടുത്തി ഇറാൻ

സിസ തോമസിനെ ബിജെപിയായി ചാപ്പ കുത്തരുത്; അടിയുറച്ച കോണ്‍ഗ്രസ് കുടുംബം: ഷിബു ബേബി ജോണ്‍

'ദുൽഖറിന്റെ 'ലോക' എനിക്ക് ഒരുപാട് ഇഷ്ടമായി, 'ഉസ്താ​ദ് ഹോട്ടൽ' മുതൽ ശ്രദ്ധിക്കാറുണ്ട്'; പ്രശംസയുമായി അല്ലു അർജുൻ

'വിചിത്രമായ നിയമോപദേശത്തില്‍ സഭയ്ക്ക് വലിയ മുറിവേറ്റു'; സര്‍ക്കാരിനെതിരെ ഓര്‍ത്തഡോക്‌സ് സഭ

എൽപിഎസ്ടി സമരം: ഉദ്യോഗാർഥികളുമായി വീണ്ടും ചർച്ചയ്ക്ക് തയ്യാറെന്ന് മന്ത്രി എൻ ഷംസുദ്ദീൻ