ഇന്ന് ഇരുളിന്റെ മറവില്‍

ഏകാകിയായി

കായലോരത്തേയ്ക്കു ഞാന്‍

വീണ്ടും വന്നു.

ഇനി നിന്റെ പ്രേമം ചോദിക്കില്ല,

ഓര്‍ക്കും ഈ ജലശേഖരം

വന്നുപോകുന്ന ബോട്ടുകള്‍,

ലക്ഷ്യം മറന്ന യാത്രികര്‍.

അക്കരെ നക്ഷത്രഹോട്ടലിന്‍

ദീപക്കണ്ണുകള്‍ ജ്വലിച്ചു

ഉപ്പ് രുചിക്കുന്ന കാറ്റൊരെണ്ണമെന്‍

കുപ്പായക്കുടുക്കിലൊളിച്ചു.

ഒരു ദിനം വരും, സാമ്പ്രാണി-

ക്കോടിയിലേയ്ക്ക് എന്നെയും ചുമ്മി

മടങ്ങുന്ന പായ്‌വഞ്ചി,

അന്നും തനിച്ചായിരിക്കും.