തെന്നിന്ത്യൻ സിനിമപ്രേമികളുടെ ഹൃദയമിടിപ്പ് കൂട്ടിയ താരസുന്ദരിയാണ് സിൽക്ക് സ്മിത. ഭാഷാവ്യത്യാസമില്ലാതെ തെന്നിന്ത്യൻ സിനിമ മേഖലകളിൽ നിറഞ്ഞു നിന്നിരുന്ന താരത്തിന് ഇപ്പോഴും ആരാധകർ ഏറെയാണ്. ഇപ്പോൾ സോഷ്യൽ മീഡിയയിൽ വൈറലാവുന്നത് സിൽക്കിന്റെ അപരയാണ്. താര എന്ന പെൺകുട്ടിയാണ് രൂപത്തിലും ഭാവത്തിലും സിൽക്കിനെ ഓർമിപ്പിക്കുന്നത്. 

സിൽക്ക് സ്മിത അഭിനയിച്ച സിനിമയിലെ രം​ഗങ്ങൾ അനുകരിച്ച് സൈബർ ലോകത്തെ അമ്പരപ്പിക്കുകയാണ് താര. സ്ഫടികത്തില്‍ മോഹന്‍ലാലിനൊപ്പം ഉള്ള രംഗത്തിലെ സംഭാഷണമാണ് പുനരാവിഷ്കരിച്ചത്. താര ആര്‍ കെ എന്ന പ്രൊഫൈലിലൂടെയാണ് വിഡിയോ പങ്കുവെച്ചിരിക്കുന്നത്. നോട്ടവും ചിരിയുമെല്ലാം സിൽക്ക് സ്മിതയെപ്പോലെതന്നെയുണ്ടെന്നാണ് അഭിപ്രായം. നേരത്തെയും സില്‍ക്കിന്റെ ഡ്യൂപ്പിന്റെ വിഡിയോ വൈറലായിരുന്നു.