റിലീസ് ദിനത്തിൽ എബ്രഹാം ഓസ്ലലറിലെ രഹസ്യം പരസ്യമായി അണിയറ പ്രവർത്തകർ. ജയറാമിനെ നായകനാക്കി മിഥുൻ മാനുവൽ തോമസ് സംവിധാനം ചെയ്യുന്ന എബ്രഹാം ഓസ്ലലറിൽ മമ്മൂട്ടിയുടെ ക്യാരക്ടർ ലുക്ക് പോസ്റ്റർ പുറത്തുവിട്ടു. മുടി അൽപം വളർത്തി കട്ടത്താടിയുമായാണ് ഓസ്ലറിൽ ഡെവിളിന്റെ എൻട്രി. ചിത്രത്തിന്റെ ട്രെയിലർ പുറത്തിറങ്ങിയതിന് പിന്നാലെ മമ്മൂട്ടിൽ ചിത്രത്തിൽ സുപ്രധാന കഥാപാത്രത്തെ അവതരിപ്പിക്കുന്നുണ്ടെന്ന അഭ്യൂഹം പരന്നിരുന്നു. എന്നാൽ അണിയറ പ്രവർത്തകർ ഇതിൽ പ്രതികരിച്ചിരുന്നില്ല.

മികച്ച പ്രതികരണമാണ് ആദ്യ ദിനം തന്നെ ചിത്രത്തിന് ലഭിക്കുന്നത്. ഇത് ആദ്യമായാണ് ഒരു ജയറാം ചിത്രത്തിന് ഇത്ര വലിയ ​ഗ്ലാൻഡ് റിലീസ് ഉണ്ടാകുന്നത്. പ്രതീക്ഷിച്ചതിലും വലിയ അഡ്വാൻസ് ബുക്കിങ് ആണ് ചിത്രത്തിനെന്ന് സംവിധായകൻ കഴിഞ്ഞ ദിവസം എക്‌സിൽ കുറിച്ചിരുന്നു. കേരളത്തിൽ മുന്നോറോളം തിയറ്ററുകളിൽ ചിത്രം റിലീസ് ചെയ്‌തു. 

ചിത്രത്തിന്റെ രണ്ടാം പകുതിയിലെ മമ്മൂട്ടിയുടെ എൻട്രിക്ക് തിയേറ്ററുകളിൽ വൻ ആവേശമായിരുന്നു. ചിത്രത്തിന്റെ ആദ്യ ഷോയ്‌ക്ക് ശേഷം സംവിധായകൻ മിഥുൻ മാനുവൽ തോമസ്  തന്നെയാണ് മമ്മൂട്ടിയുടെ ക്യാരക്ടർ പോസ്റ്റർ ഫെയ്‌സ്ബുക്കിലൂടെ പുറത്തുവിട്ടത്. ഇന്തിയാവിൻ മാപെരും നടികർ മമ്മൂട്ടി എന്നാണ് പോസ്റ്ററിൽ താരത്തെ വിശേഷിപ്പിച്ചിരിക്കുന്നത്. എബ്രഹാം ഓസ്‌ലരിനെ ആവേശത്തോടെ സ്വീകരിക്കുന്ന പ്രേക്ഷകർക്കു നന്ദി..!! ഓസ്ലർനെ ആവിസ്മരണീയം ആക്കിയ ഇന്ത്യയുടെ മഹാനടൻ മമ്മുക്കയ്ക്കു നന്ദി എന്നും മിഥുൻ ഫെയ്‌സ്‌ബുക്കിൽ‌ കുറിച്ചു.

ഈ വാര്‍ത്ത കൂടി വായിക്കൂ 

ആത്മഹത്യ ചെയ്യാനൊരുങ്ങി, ജീവിതത്തിലേക്ക് കൈപിടിച്ചു കയറ്റിയത് അമ്മയുടെ വാക്കുകൾ; തുറന്ന് പറഞ്ഞ് എആർ റഹ്മാൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്തി. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ