മുംബൈ:  വിവാഹവാഗ്ദാനം നല്‍കി പ്രമുഖ ബോളിവുഡ് നടന്റെ ബോഡിഗാഡ് ബലാത്സംഗം ചെയ്തതായി യുവതിയുടെ പരാതി. സംഭവവുമായി ബന്ധപ്പെട്ട് പ്രതിയെ മുംബൈ പൊലീസ് കര്‍ണാടകയില്‍ നിന്ന് അറസ്റ്റ് ചെയ്തു. 

കര്‍ണാടകയിലെ ഹെഗദഹള്ളിയില്‍ നിന്നാണ് പ്രതിയെ പൊലീസ് പിടികൂടിയത്. ഇയാള്‍ മറ്റൊരു യുവതിയെ വിവാഹം കഴിക്കാന്‍ പോകുന്നതിന് തൊട്ടുമുന്‍പാണ് അറസ്റ്റിലായത്. ബ്യൂട്ടിഷ്യനായി ജോലി ചെയ്യുന്ന മുപ്പതുകാരി കഴിഞ്ഞയാഴ്ചയാണ് പൊലീസില്‍ പരാതി നല്‍കിയത്. 

കഴിഞ്ഞ എട്ടുവര്‍ഷമായി ഇരുവരും തമ്മില്‍ സുഹൃത്തുക്കളാണ്. കഴിഞ്ഞ ജൂണില്‍ വിവാഹം കഴിക്കാമെന്ന് ഇയാള്‍ യുവതിക്ക് വാഗ്ദാനം നല്‍കിയിരുന്നു. കൂടാതെ ഇവരില്‍ നിന്ന് അമ്മ മരിച്ചെന്ന് പറഞ്ഞ് ഏപ്രില്‍ 27ന് 50,000 രൂപയും വാങ്ങിയിരുന്നു. എന്നാല്‍ ഇയാള്‍ നാട്ടിലെത്തിയതിന് പിന്നാലെ താനുമായുള്ള എല്ലാ ആശയവിനിമയവും അവസാനിപ്പിക്കുകയായിരുന്നെന്ന് യുവതി പറയുന്നു. അതിനിടെ ഇയാള്‍ മറ്റൊരു യുവതി വിവാഹം കഴിക്കാന്‍ പോകുന്നുവെന്ന വിവരം അറിഞ്ഞതിനെ തുടര്‍ന്ന് യുവതി പൊലീസില്‍ പരാതി നല്‍കുകയായിരുന്നു. വഞ്ചന, ബലാത്സംഗം തുടങ്ങിയ വകുപ്പുകള്‍ പ്രകാരമാണ് ഇയാളെ അറസ്റ്റ് ചെയ്തതെന്ന് പൊലീസ് പറഞ്ഞു