നടി അമല പോൾ വീണ്ടും വിവാഹിതയാകുന്നു. സുഹൃത്ത് ജഗദ് ദേശായി താരത്തെ പ്രപ്പോസ് ചെയ്യുന്ന വിഡിയോ ഇൻസ്റ്റ​ഗ്രാമിലൂടെ പങ്കുവെച്ചു കൊണ്ടായിരുന്നു സന്തോഷ വാർത്ത അറിയിച്ചത്. 'മൈ ജിപ്‌സി ക്വീൻ യെസ് പറഞ്ഞു' എന്ന് കുറിപ്പോടെയാണ് ജ​ഗദ് വിഡിയോ പങ്കുവെച്ചിരിക്കുന്നത്. വെഡ്ഡി ബെൽസ് എന്ന ഹാഷ്‌ടാ​ഗും വിഡിയോയ്‌ക്കൊപ്പം ചേർത്തിട്ടുണ്ട്.

താരത്തിന്റെ പിറന്നാൾ ദിനമായ ഇന്ന് ഹോട്ടലിൽ ഡാൻസ് ആസ്വദിക്കുന്നതിനിടെ ജ​ഗദ് ഡാൻസേഴ്‌‌സിനൊപ്പം കൂടുകയും സർപ്രൈസ് ആയി അമലയെ പ്രപ്പോസ് ചെയ്യുകയുമായിരുന്നു. നിരവധി പേരാണ് അമലയ്‌ക്കും സുഹൃത്തിനും വിവാഹാശംസകൾ നേർന്ന് രംഗത്തെത്തിയത്. അമലയ്‌ക്ക് പിറന്നാൾ ആശംസകളും ജ​ഗദ് നേർന്നിട്ടുണ്ട്. 

2014 ലായിരുന്നു സംവിധായകൻ എ എൽ വിജയ്‌യുമായി അമലയുടെ ആദ്യ വിവാഹം. നാല് വർഷത്തെ പ്രണയത്തിന് ശേഷമായിരുന്നു വിവാഹം. എന്നാൽ 2017ൽ ഇരുവരും വേർപിരിഞ്ഞു. 2009 ല്‍ ലാല്‍ ജോസിന്‍റെ നീലതാമരയിലൂടെ സിനിമയിൽ ചുവടുവെച്ച അമല പോള്‍ പിന്നീട് തമിഴില്‍ നിരവധി ശ്രദ്ധേയ വേഷങ്ങള്‍ അവതരിപ്പിച്ചു. 2010 ല്‍ ഇറങ്ങിയ മൈനയാണ് അമലപോളിന്‍റെ കരിയറില്‍ വഴിത്തിരിവായത്.

ഈ വാര്‍ത്ത കൂടി വായിക്കൂ 

'വൃത്തികെട്ട ഡാൻസ്, ഇതിനൊക്കെ എങ്ങനെ സെൻസർ കിട്ടി'; തമന്നയുടെ നൃത്തത്തെ വിമർശിച്ച് മൻസൂർ അലി ഖാൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ