നാലാം വിവാഹവാർഷികത്തിൽ ഭർത്താവ് നവീനൊപ്പമുള്ള ചിത്രങ്ങൾ പങ്കുവച്ച് ഭാവന. 'എന്റെ' എന്ന് കുറിച്ച് നവീനൊപ്പമുള്ള മൂന്ന് ചിത്രങ്ങൾ ഭാവന പങ്കിട്ടു. വിവാഹം എന്നാൽ ജീവിതകാലം മുഴുവൻ ഒരു സ്പെഷ്യൽ ആളെ ശല്യപ്പെടുത്താനുള്ള ലൈസൻസ് ആണെന്നാണ് ചിത്രങ്ങൾക്കൊപ്പം ഭാവന കുറിച്ചത്. സുഹൃത്തുക്കളടക്കം നിരവധിപ്പേർ ഇരുവർക്കും ആശംസകൾ നേർന്നിട്ടുണ്ട്. 

2018 ജനുവരി 22 നായിരുന്നു തൃശൂര്‍ തിരുവമ്പാടി ക്ഷേത്രനടയില്‍ വച്ച് കന്നട നിര്‍മ്മാതാവും ബിസ്സിനസ്സുകാരനുമായ നവീനുമായുള്ള ഭാവനയുടെ വിവാഹം. നീണ്ട അഞ്ചുവർഷത്തെ പ്രണയത്തിനൊടുവിലായിരുന്നു ഇവർ വിവാഹിതരാവുന്നത്.