ദുൽഖർ സൽമാനൊപ്പം അരങ്ങേറ്റം കുറിച്ച നടി ഗൗതമി നായർ ആറ് വർഷത്തെ ഇടവേളയ്ക്കു ശേഷം ‌വീണ്ടും ക്യാമറയ്ക്ക് മുന്നിൽ തിരിച്ചെത്തുന്നു. ജയസൂര്യയും മഞ്ജു വാര്യരും പ്രധാന കഥാപാത്രങ്ങളാകുന്ന മേരി ആവാസ് സുനോ എന്ന ചിത്രത്തിലൂടെയാണ് ​ഗൗതമി അഭിനയത്തിലേക്ക് മടങ്ങിയെത്തുന്നത്. പ്രജീഷ് സെൻ ആണ് ചിത്രം സംവിധാനം ചെയ്യുന്നത്. റേഡിയോ ജോക്കിയുടെ കഥ പറയുന്ന ചിത്രമാണ് മേരി ആവാസ് സുനോ

ദുൽഖറിനൊപ്പം ‍സെക്കന്റ് ഷോ എന്ന ചിത്രത്തിലാണ് ​ഗൗതമി ആദ്യമായി അഭിനയിച്ചത്. ലാൽ ജോസ് ചിത്രം ഡയമണ്ട് നെ​ഗ്ലസിലും ഒരു ശ്രദ്ധേയ വേഷം അവതരിപ്പിച്ചു. പഠനത്തിനായി സിനിമയിൽ നിന്ന് ഇടവേളയെടുത്ത താരം സംവിധായികയായി മടങ്ങിയെത്താനാണ് ആദ്യം തയ്യാറെടുത്തത്. വൃത്തം എന്ന് പേരിട്ട ചിത്രം പ്രഖ്യാപിച്ചെങ്കിലും നിർമ്മാണപ്രശ്നങ്ങൾ മൂലം സിനിമ പൂർത്തിയാക്കാനായില്ല.

 സംവിധായകൻ ശ്രീനാഥ് രാജേന്ദ്രൻ ആണ് ​ഗൗതമിയുടെ ഭർത്താവ്. ശ്രീനാഥ് സംവിധാനം ചെയ്ത കുറുപ്പ് റിലീസിനൊരുങ്ങുകയാണ്.