തെന്നിന്ത്യൻ നടി കീർത്തി സുരേഷ് കോവിഡ് മുക്തയായി. രോ​ഗം ഭേദമായ വിവരം കീർത്തി തന്നെയാണ് ട്വിറ്ററിലൂടെ പങ്കുവച്ചത്. സ്നേഹത്തിനും പ്രാർത്ഥനകൾക്കും താരം നന്ദി കുറിച്ചു. 

''നെ​ഗറ്റീവ് എന്നതിന് ഈ ദിവസങ്ങളിൾ ഒരു പോസിറ്റീവ് അർത്ഥമാണ്. നിങ്ങളുടെയെല്ലാം സ്നേഹത്തിനും പ്രാർത്ഥനകൾക്കും ഒരുപാട് നന്ദി'', കീർത്തി ട്വീറ്റ് ചെയ്തു. 

കഴിഞ്ഞ ചൊവ്വാഴ്ചയാണ് വൈറസ് ബാധ സ്ഥിരീകരിച്ച വിവരം കീർത്തി അറിയിച്ചത്. എല്ലാ സുരക്ഷാ മാനദണ്ഡങ്ങൾ സ്വീകരിച്ചിട്ടും കോവിഡ് ബാധിതയായത് കോവിഡ് പടരുന്നതിലുള്ള പേടിപ്പിക്കുന്ന മുന്നറിയിപ്പാണെന്നാണ് താരം കുറിച്ചത്. ചെറിയ രോഗലക്ഷണങ്ങൾ മാത്രമേ താരത്തിനുണ്ടായിരുന്നൊള്ളു.